20 Nov,2025

ရန်ကုန် နိုဝင်ဘာ ၁၉

         ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ အင်ဂျင်နီယာချုပ် ဦးဇော်မိုးဦး၊ ရန်ကုန်တိုင်းဒေသကြီး ဒုတိယညွှန်ကြားရေးမှူး(မြို့ပြ) ဒေါ်စမ်းစမ်းအေးနှင့် တာဝန်ရှိသူများသည် ယမန်နေ့က ကွမ်းခြံကုန်းမြို့နယ် ကျေးလက်လမ်းဖွံ့ဖြိုးရေးဦးစီးဌာန၏ လုပ်ငန်းဆောင်ရွက်နေမှုများအား ကြည့်ရှုစစ်ဆေးသည်။

        ကွမ်းခြံကုန်းမြို့နယ် ကျေးလက်လမ်းဖွံ့ဖြိုးရေးဦးစီးဌာန၏ ၂၀၂၅ - ၂၀၂၆ ဘဏ္ဍာနှစ် တိုင်းဒေသကြီး(ငွေလုံးငွေရင်း)ရန်ပုံငွေဖြင့် ဌာနမှ ဆောင်ရွက်သည့် လက်ခုပ်ကုန်းကားလမ်းမှ ညောင်ဝိုင်း(ကမာပါ) ရွာအဝင်လမ်း (၂၉၀၄ ပေ)အား ကွန်ကရစ်ခင်းခြင်းနှင့် ကုမ္ပဏီမှ ဆောင်ရွက်သည့် မဲဇလီစမ်း-သပြုစမ်းလမ်း ကွန်ကရစ်ခင်းခြင်း လုပ်ငန်းများကို ကြည့်ရှုစစ်ဆေးသည်။

          အဆိုပါ လုပ်ငန်းများ ဆောင်ရွက်ပြီးစီးပါက ဒေသခံပြည်သူများအတွက် လမ်းပန်းဆက်သွယ်ရေး ပိုမိုကောင်းမွန်လာပြီး လူမှုရေး၊ စီးပွားရေး၊ ပညာရေးနှင့် ကျန်းမာရေးစသည့် လူမှုစီးပွားဘဝများ ပိုမိုမြင့်မားသွားမည်ဖြစ်ကြောင်း သိရသည်။

 ဆွေနွယ်(ပြန်/ဆက်)