01 Dec,2025

ပဲခူး ဒီဇင်ဘာ  ၁

ပဲခူးတိုင်းဒေသကြီး ဇီးကုန်းမြို့နယ် သမဝါယမဦးစီးဌာနတွင် ၂၀၂၄-၂၀၂၅ ဘဏ္ဍာရေးနှစ် ပြည့်ဝငွေစုငွေချေးသမဝါယမအသင်းလီမိတက်၏ နှစ်ပတ်လည်အရပ်ရပ်ဆိုင်ရာအစည်းအဝေးကို  မြို့နယ်သမဝါယမဦးစီးဌာနရုံးတွင် ကျင်းပပြုလုပ်ခဲ့သည်။

ထို့နောက် အသင်းဥက္ကဋ္ဌ ဦးကျော်သူရ‌မောင်က အဖွင့်အမှာစကားပြောကြားရာတွင် အသင်း၏လုပ်ငန်းဆိုင်ရာကိစ္စရပ်များအား ပြောကြား၍ ဦးစီးအရာရှိ ဒေါ်သင်းမြတ်ရွှေစင်က အသင်းအားရေရှည်စဉ်ဆက်မပြတ် ဖွံ့ဖြိုးတိုးတက်ရေးအတွက် ဆောင်ရွက်ရမည်များကို ရှင်းလင်း ပြောကြားခဲ့ပြီး ပြည့်ဝငွေစုငွေချေး သမဝါယမအသင်းသားများရရှိမည့် စုဆောင်းငွေပေါ်အတိုးနှင့် အစုပေါ်အမြတ်များအား ပြန်လည်ပေးအပ်ခဲ့ကြောင်းသိရသည်။