01 Dec,2025

ပုလော ဒီဇင်ဘာ ၁

တနင်္သာရီတိုင်းဒေသကြီး၊ ပုလောမြို့ အမှတ်(၅)ရပ်ကွက်ထိပ်တန်းရှင်သမဝါယမအသင်း အသင်းသားတောင်သူများ စိုက်ပျိုးထားရှိသည့် မှော်ဘီ(၃)စပါးစိုက်ခင်း ရိတ်သိမ်းမှု များကို  ပုလောမြို့နယ် သမဝါယမဦးစီးဌာနမှ မြို့နယ်ဦးစီးမှူး ဒေါ်အေးအေးမိုးနှင့်တာဝန်ရှိသူ များက ကွင်းဆင်းကြည့်ရှုစစ်ဆေးခဲ့ကြောင်း သိရသည်။

ပုလောမြို့၊ အမှတ်(၅)ရပ်ကွက် ထိပ်တန်းရှင် သမဝါယမအသင်း တွင် ၂၀၂၅-၂၀၂၆ ဘဏ္ဍာနှစ်၌ သမဝါယမကဏ္ဍ နိုင်ငံစီးပွားမြှင့်တင်ရေးရန်ပုံငွေဖြင့်  စိုက်ပျိုး လယ်ဧက ၁၁၆ ဧက ရှိပြီး မှော်ဘီ(၃) စပါးစိုက်ခင်း ရိတ်သိမ်းမှုတွင် တစ်ဧကပန်းတိုင် အတွက်နှုန်း (၁၀၂) တင်းထွက်ရှိကြောင်း မိုးစပါးစိုက်ပျိုးသူ အသင်းသားတောင်သူများထံမှ သိရသည်။

ပုလောမြို့နယ်၌ ၂၀၂၅-၂၀၂၆ ဘဏ္ဍာနှစ်တွင် သမဝါယမကဏ္ဍ နိုင်ငံစီးပွားမြှင့်တင်ရေး ရန်ပုံငွေဖြင့် ရွေဝါရင် အသင်း၊  ထိပ်တန်းရှင် အသင်း၊ ဇီဇဝါအသင်း၊ ရွှေဟင်္သာ သမဝါယမအသင်းများမှ အသင်းသား  တောင်သူ ၄၀ ဦး ဦးဆောင်၍ မှော်ဘီ (၃) စပါးစိုက်ခင်း စိုက်ပျိုးဧက (၂၇၉) ဧကရှိကြောင်း ပုလောမြို့နယ် သမဝါယမဦးစီးဌာနမှ သိရှိရသည်။

အေးအေးမော်(ပုလော)

တနင်္သာရီတိုင်းဒေသကြီး