08 Dec,2025

နေပြည်တော် ဒီဇင်ဘာ ၆

           နေပြည်တော်ကောင်စီဝင် ဦးခင်မောင်လတ်သည် တိုင်းဒေသကြီး၊ ခရိုင်၊ မြို့နယ်တာဝန်ခံ အင်ဂျင်နီယာများနှင့်အတူ ဒီဇင်ဘာ ၅ ရက်က ဒက္ခိဏသီရိမြို့နယ် ကျေးလက်လမ်းဖွံ့ဖြိုးရေးဦးစီးဌာနမှ ၂၀၂၅-၂၀၂၆ ဘဏ္ဍာနှစ်အတွင်း ဒက္ခိဏသီရိမြို့နယ် ဂွေးတောက်ရိုးကျေးရွာနှင့် ဆည်စု-အောင်မင်းကျေးရွာချင်းဆက်လမ်း ပြန်လည်ပြုပြင်တည်ဆောက်နေမှုကို ကွင်းဆင်းစစ်ဆေးသည်။

         ထိုသို့ ကွင်းဆင်းစစ်ဆေးရာတွင် နေပြည်တော်ကောင်စီဝင် ဦးခင်မောင်လတ်က လမ်းပြုပြင်တည်ဆောက်ခြင်းလုပ်ငန်း ဆောင်ရွက်ပြီးစီးမှု အခြေအနေ များကို ကြည့်ရှုစစ်ဆေးပြီး တာဝန်ရှိသူများအား သတ်မှတ်စံချိန်စံညွှန်းနှင့်အညီ အရည်အသွေးပြည့်မီစေရေး၊ အချိန်မီပြီးစီးစေရေး အလေးထားဆောင်ရွက်သွားရန် မှာကြားခဲ့ကြောင်း သိရသည်။

အောင်သူရဦး(ဒက္ခိဏ)