15 Dec,2025

ရန်ကုန် ဒီဇင်ဘာ ၁၃

      ရန်ကုန်တိုင်းဒေသကြီး ထန်းတပင်မြို့နယ် ကျေးလက်လမ်းဖွံ့ဖြိုးရေးဦးစီးဌာန ၂၀၂၅-၂၀၂၆ ဘဏ္ဍာနှစ် တိုင်းဒေသကြီးရန်ပုံငွေဖြင့် တံတားတည်ဆောက်ရေး (ရုံးချုပ်)ကတာဝန်ယူဆောင်ရွက်လျက်ရှိသည့် အတွင်းရေကျော် - အမယ်ကြီးအို - စံချောင်းလမ်းပေါ်ရှိ ကွန်ကရစ် တံတားတည်ဆောက်ခြင်းလုပ်ငန်းကို ဒီဇင်ဘာ ၁၁ ရက်တွင် တာဝန်ရှိ သူများက ကွင်းဆင်းစစ်ဆေးသည်။

     ကွင်းဆင်းစစ်ဆေးရာတွင် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ ဒုတိယညွှန်ကြားရေးမှူးချုပ်(စီမံရေး) ဦးရဲခေါင်ထွန်း၊ မှော်ဘီခရိုင် လက်ထောက်ညွှန်ကြားရေးမှူး(မြို့ပြ)နှင့် တာဝန်ရှိသူများက အတွင်းရေကျော်- အမယ်ကြီးအို - စံချောင်းလမ်းပေါ်ရှိ ၃၆ မီတာအရှည် ကွန်ကရစ်တံတား တည်ဆောက်ခြင်းလုပ်ငန်း ဆောင်ရွက်နေမှုကို ကြည့်ရှုစစ်ဆေးပြီး လုပ်ငန်းများ သတ်မှတ်ကာလအတွင်း အရည်အသွေးပြည့်မီအောင် ဆောင်ရွက်သွားကြရန်နှင့် လိုအပ်သည်များကို ရှင်းလင်းမှာကြားခဲ့ကြောင်း သိရသည်။

ဇင်မင်းထိုက်(ထန်းတပင်)