23 Dec,2025

မှော်ဘီ ဒီဇင်ဘာ ၂၁

     ရန်ကုန်တိုင်းဒေသကြီး မှော်ဘီမြို့နယ် ကျေးလက်လမ်းဖွံ့ဖြိုးရေးဦးစီးဌာန၏ တင်ဒါအောင်ကုမ္ပဏီဖြစ်သော မင်းလွင်ကုမ္ပဏီမှအကောင်ထည်ဖော် ဆောင်ရွက်လျက်ရှိသည့် ပြည်လမ်း-သန္ဓေပင်-ထိန်စွန်းလမ်းပေါ်ရှိ ထိန်စွန်း(ပိုက်လုံးခုံးကျော်) တံတား(9m)တည်ဆောက်ခြင်းလုပ်ငန်းကို ယမန်နေ့က တာဝန်ရှိသူများက လိုက်လံကြည့်ရှုစစ်ဆေးသည်။

     အဆိုပါ ကြည့်ရှုစစ်ဆေးရာတွင် ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ ဒုတိယညွှန်ကြားရေးမှူးချုပ်(တည်ဆောက်ရေး) ဒေါက်တာထွန်းမြင့်အောင်က လုပ်ငန်းများအရည်အသွေး ပြည့်မီစေရေး၊အချိန်မီပြီးစီးနိုင်ရေး အချိန်နှင့်တစ်ပြေးညီ ဆောင်ရွက်ကြရန်လမ်းညွှန်မှာကြားခဲ့ကြောင်း သိရသည်။

ကောင်းမြတ်သူ(မှော်ဘီ)