29 Dec,2025

မြစ်သား ဒီဇင်ဘာ ၂၄

     မန္တလေးတိုင်းဒေသကြီး မြစ်သားမြို့နယ်တွင် ၂၀၂၆ ဘဏ္ဍာနှစ် တိုင်းဒေသကြီး (ငွေလုံးငွေရင်း)၂၀၂၅-ရန်ပုံငွေဖြင့် Royal Bhone Myat Thu Co.,Ltd မှ တာဝန်ယူဆောင်ရွက်သည့် မြစ်သား- စံပါယ်တောလမ်း ကတ္တရာခင်းခြင်း လုပ်ငန်းဆောင်ရွက်ပြီးစီးမှုများကို ဒီဇင်ဘာ ၁၈ ရက်က မြစ်သားမြို့နယ် တည်ဆောက်ရေး လုပ်ငန်း စိစစ်ရေးကော်မတီအဖွဲ့ ဥက္ကဋ္ဌနှင့်အဖွဲ့ဝင်များ၊ တာဝန်ရှိသူများက ကွင်းဆင်း ကြည့်ရှုစစ်ဆေးသည်။

    အဆိုပါလမ်း ပြုပြင်ဆောင်ရွက် ပေးခြင်းအားဖြင့် ကျေးရွာရှစ်ရွာ၊ အိမ်ခြေ ၃၇၉၈ အိမ်၊ လူဦးရေ ၁၈၆၃၁ ဦး၏ ပညာရေး၊ ကျန်းမာရေး၊ လူမှုရေးဆိုင်ရာကိစ္စရပ်များ နှင့် ကျေးလက်ထုတ်ကုန်များရေး၊ အပြန်အလှန်ရောင်းဝယ် ဖောက်ကားရေးတို့ကို များစွာ အကျိုးပြုမည်ဖြစ်ကြောင်း သိရသည်။

ဝါဝါမြင့်(မြစ်သား)