05 Jan,2026

ပုသိမ် ဇန်နဝါရီ ၁

      ဧရာဝတီတိုင်းဒေသကြီး ပုသိမ်မြို့နယ် ကျေးလက်လမ်းဖွံ့ဖြိုးရေးဦးစီးဌာန၏ ၂၀၂၅-၂၀၂၆ ဘဏ္ဍာနှစ် ပြည်ထောင်စု အထွေထွေပိုလျှံရန်ပုံငွေ (GRF)ဖြင့် ဌာနမှ တာဝန်ယူ ဆောင်ရွက်သော ရွှေမြင်တင်ကျောင်းလမ်း ကတ္တရာခင်းခြင်း (၀/၅.၅မိုင် × ၁၂ပေ × ၉လက်မ) လုပ်ငန်းအား တာဝန်ရှိသူများက ယနေ့ နံနက်ပိုင်းက ကွင်းဆင်းကြည့်ရှုစစ်ဆေးသည်။

      ပုသိမ်ခရိုင် ကျေးလက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး(မြို့ပြ) ဦးကျော်သူမင်းက ကွင်းဆင်းစစ်ဆေးခဲ့ရာ မြို့နယ်တာဝန်ရှိ သူများက လုပ်ငန်းဆောင်ရွက်ထားရှိမှု အခြေအနေများနှင့်ပတ်သက်၍ ရှင်းလင်းတင်ပြပြီး လုပ်ငန်းခွင်အတွင်း လိုက်လံကြည့်ရှုစစ်ဆေးကာ လိုအပ်သည်များ မှာကြားသည်။

      ရွှေမြင်တင် ကျောင်းလမ်းကတ္တရာခင်းခြင်းလုပ်ငန်း ဆောင်ရွက်ပြီးစီးပါက ကျေးရွာ ၂၁ ရွာရှိ လူဦးရေ ၂၅၂၁၀ တို့အား အကျိုးပြုမည်ဖြစ်ကြောင်း သိရသည်။

မေချို