31 Dec,2025

ကဝ ဒီဇင်ဘာ ၃၁

ပဲခူးတိုင်းဒေသကြီး၊ ပဲခူးခရိုင်၊ ကဝမြို့နယ်၊ မြောက်ဈေးဖလုံကျေးရွာရှိ မြောက်ဈေးဖလုံ စိုက်ပျိုးရေးနှင့်အထွေထွေသမဝါယမအသင်းလီမိတက်တွင် လူမှုစီးပွားမြှင့်တင်ရေး (သက်တန့်‌‌ရောင် စီမံကိန်း) ဖြင့်ဆောင်းဆီထွက်သီးနှံ(မြေပဲ) စိုက်ပျိုးထားမှုအား ကွင်းဆင်းကြည့်ရှုစစ်ဆေးခြင်းကို ယမန်နေ့ နံနက်(၁၀)နာရီက တောင်သူဦးသန်းတင်၏ လယ်မြေ၌ ဆောင်ရွက်ခဲ့သည်။

ထိုသို့ ကွင်းဆင်းကြည့်ရှုစစ်ဆေးရာတွင် သမဝါယမဦးစီးဌာန တိုင်းဒေသကြီး ဦးစီးမှူး  ဒေါ်ချောစုလှိုင်နှင့် တာဝန်ရှိသူများ၊ မြို့နယ်သမဝါယမဦးစီးဌာန ဦးစီးအရာရှိ ဦးဇေယျာဝင်းနှင့် ဝန်ထမ်းများ၊ သမဝါယမအသင်းစုဥက္ကဋ္ဌနှင့် တာဝန်ရှိသူများ ကမြောက်ဈေး ဖလုံစိုက်ပျိုးရေးနှင့်အထွေထွေသမဝါယမအသင်းလီမိတက်မှ အသင်းသားတောင်သူ(၁၅)ဦး၏ လယ်မြေ(၆၅)ဧက၌ ဗီယက်နမ်(ဝက်လူး)မျိုး စိုက်ပျိုးထားမှုများအား ကွင်းဆင်းကြည့်ရှုစစ်ဆေးခဲ့ပြီး လိုအပ်သည်များကို ဆွေးနွေးမှာကြားခဲ့ကြောင်း သိရသည်။

ရဲဇော်ဟိန်း(ပြန်/ဆက်)

ပဲခူးတိုင်းဒေသကြီး