07 Jan,2026

ပဲခူး ဇန်နဝါရီ  ၇

ပဲခူးတိုင်းဒေသကြီး ဖြူးမြို့နယ်အတွင်း လူငယ့်အားမာန်စိုက်ပျိုးရေးနှင့်လုပ်ငန်းစုံ သမဝါယမအသင်းသို့ရောက်ရှိပြီး  သမဝါယမအသင်းသားတောင်သူ ဦးမောင်ဆန်း စိုက်ပျိုး ထားသော ဆောင်းမြေပဲ(ဗီယက်နမ်)မျုး  ၇ ဧက စိုက်ပျိုးထားမှုအား ဖြူးမြို့နယ် သမဝါယမဦးစီးဌာနမှ တာဝန်ရှိသူများက ကွင်းဆင်းကြည့်ရှုခဲ့ကြောင်း သိရသည်။

လူငယ့်အားမာန်အသင်းအနေဖြင့် ၂၀၂၅-၂၀၂၆ ဘဏ္ဍာရေးနှစ်တွင် သမဝါယမကဏ္ဍမှ အသင်းပိုင်စိုက်ပျိုးနိုင်သောမြေ ၅၁၂ ဧကတွင် ဆောင်းသီးနှံများဖြစ်သော မတ်ပဲ ၃၄၂ ဧကနှင့် နွေစပါး ဧက ၁၀၀ တို့အား သမဝါယမသင်းအစီအစဉ်ဖြင့် စိုက်ပျိုးသွားမည်ဖြစ်ကြောင်း သိရသည်။