09 Feb,2026

ကရင် ဖေဖော်ဝါရီ  ၉

ကရင်ပြည်နယ် လှိုင်းဘွဲမြို့နယ်တွင် သမဝါယမကဏ္ဍမှ ဆောင်းဆီထွက်သီးနှံ(မြေပဲ) စိုက်ပျိုးရေးစီမံကိန်းတွင် ပါဝင်ဆောင်ရွက်လျက်ရှိသော သာယာကုန်းကျေးရွာရှိ သာယာကုန်း စိုက်ပျိုးရေးနှင့်အထွေထွေလုပ်ငန်းသမဝါယမအသင်းက မြေပဲစိုက်အသင်းသားတောင်သူ(၅၄)ဦး စိုက်ပျိုးထားသော ဆောင်းဆီထွက်သီးနှံ(မြေပဲ)စိုက်ခင်းများသို့ ကရင်ပြည်နယ်သမဝါယမဦးစီး ဌာနမှ ပြည်နယ်ဦးစီးမှူး‌ ဒေါ်အေးပွင့်နှင့်တာဝန်ရှိသူများက ကွင်းဆင်း ကြည့်ရှုစစ်ဆေးခဲ့ကြောင်း သိရှိရသည်။

ထိုသို့ကွင်းဆင်းကြည့်ရှုစစ်ဆေးရာတွင် ပြည်နယ်ဦးစီးမှူးက ဆောင်းမြေပဲစိုက် အသင်းသား တောင်သူများနှင့် တွေ့ဆုံကာပန်းတိုင်အထွက်နှုန်းထွက်ရှိအောင် မြေပဲနှုတ်သိမ်းချိန်တွင် အလေအလွင့် မရှိစေရေး စနစ်တကျဆောင်ရွက်သွားကြရန် မှာကြားခဲ့ကြောင်းသိရှိရသည်။