09 Feb,2026

(၇၉)နှစ်မြောက်ပြည်ထောင်စုနေ့ကိုဂုဏ်ပြုကြိုဆိုသောအားဖြင့်လက်ခိုက်ကျေးရွာအုပ်စု၊အိုးဘိုကျေးရွာကုန်ထုတ်ဂဝံလမ်းသစ်ဖွင့်ပွဲကျင်းပ

ကော့မှူး ဖေဖော်ဝါရီ ၉

(၇၉)နှစ်မြောက် ပြည်ထောင်စုနေ့ကို ကြိုဆိုဂုဏ်ပြု‌သောအားဖြင့်၂၀၂၅-၂၀၂၆ဘဏ္ဍာ‌ ရေးနှစ်ရန်ကုန်တိုင်းဒေသကြီးအစိုးရအဖွဲ့ရန်ပုံငွေဖြင့် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ‌ ဆောင်ရွက်ခဲ့သည့် ရန်ကုန်တိုင်း‌ဒေသကြီး တွံတေးခရိုင်ခရိုင် ကော့မှူးမြို့နယ် လက်ခိုက်ကျေးရွာအုပ်စု အိုးဘိုကျေးရွာကုန်ထုတ်ဂဝံလမ်းသစ်ဖွင့်ပွဲအခမ်းအနားကို (၇-၂-၂၀၂၆)ရက်နေ့နံနက်၉နာရီကအိုးဘို‌ ကျေးရွာ၌ကျင်းပခဲ့ကြောင်းသိရသည်။ 

အဆိုပါဂဝံလမ်းသစ်ဖွင့်ပွဲအားဦးရွှေရိုးနှင့်‌ ဒေါ်မိုး ကများဖြင့်ဖွင့်လှစ်ခဲ့သည်။ဆက်လက်၍တွံတေးခရိုင်စီမံခန့်ခွဲ‌ ရေးနှင့်အုပ်ချုပ်‌ရေးကော်မတီ ဥက္ကဋ္ဌ ဦးညွန့်နွယ်က အဖွင့်အမှာစကားပြောကြားရာတွင် ကျေးရွာချင်းဆက်လမ်းများ ဆောင်ရွက်ပေးခြင်းကြောင့် ကျေးရွာနေပြည်သူများ လမ်းပန်းဆက်သွယ်ရေးကောင်းမွန်စေပြီး လူမှုစီးပွားဘဝများ ဖွံ့ဖြိုးတိုးတက်လာမည်‌ဖြစ်ကြောင်းနှင့် ရည်ရွယ်ချက်များအား ရှင်းလင်းပြောကြားခဲ့ပြီး‌ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဦးတင်ကိုလတ်ကအိုးဘို ကျေးရွာကုန်ထုတ်ဂဝံလမ်းဖြစ်ပေါ်လာမှုနှင့်ပတ်သက်၍ရှင်းလင်းပြောကြားခဲ့သည်။ထို့‌ နောက်လက်ခိုက်‌ကျေးရွာအုပ်စုရပ်မိရပ်ဖ ဦးမြင့်ကြိုင်က ကျေးဇူးတင်စကားပြောကြားခဲ့သည်။ ဆက်လက်၍ တွံတေးခရိုင်စီမံခန့်ခွဲ‌ ရေးနှင့်အုပ်ချုပ်ရေးကာ်မတီဥက္ကဋ္ဌ  ဦးညွန့်နွယ်ခရိုင် ကျေးလက်ဒေသဖွံ့ဖြိုးတိုးတက်ရေး ဦးစီးဌာနမှ ခရိုင်ဦးစီးမှူး ဦး‌အောင်သက်ဦး၊မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဋ္ဌ ဦးမျိုးမင်း၊လက်ခိုက်ကျေးရွာအုပ်စုအုပ်ချုပ်ရေးမှူး ဦးမျိုးကိုနိုင်တို့ကဖဲကြိုးဖြတ်ဖွင့်လှစ်ပေးခဲ့ပြီးမှတ်တမ်းဓာတ်ပုံရိုက်ကူးခဲ့လမ်းအားလှည့်လည်ကြည့်ရှုခဲ့ကြကြောင်းသိရသည်။

အဆိုပါ ကွန်ကရစ်လမ်း နှစ်လမ်းမှာ အရှည်ပေ (၃၅၀၀) ပေ၊ အကျယ် (၁၂) ပေ၊ အမြင့် မြေသား(၂)ပေဂဝံ(၉) လက်မထုရှိသည့် ဂဝံလမ်းများကို ၂၀၂၅-၂၀၂၆ဘဏ္ဍာရေးနှစ်တိုင်းဒေသကြီးဘတ်ဂျက်(၂၄၄.၅၅၀)သန်းဖြင့် ကျေလက်‌ဒေသဖွံ့ဖြိုးတိုးတက်‌ရေးဦးစီးဌာနမှဆောင်ရွက်ခဲ့ကြောင်းသိရသည်။

ကော့မှူးမြို့နယ်အတွင်းရှိ ကျေးလက်ဒေသများတွင် နေထိုင်ကြသည့်ဒေသခံပြည်သူများသည် ယခင်ကလမ်းပန်း ဆက်သွယ်ရေးခက်ခဲမှုကြောင့် ဖွံ့ဖြိုးတိုးတက်မှုများ နောက်ကျကျန်ခဲ့သော် လည်း လက်ရှိအချိန်တွင်လမ်းပန်း ဆက်သွယ်ရေးများ ပိုမိုကောင်းမွန်လာပြီး ကျေးရွာချင်းဆက် ကုန်ထုတ်လမ်းများ၊ တံတားများ တည်ဆောက်နေမှုကြောင့် ကျေးလက်နေပြည်သူများ၏ ပညာရေး၊ ကျန်းမာရေး၊ လူမှုရေး၊ စီးပွားရေး စသည့်ဘဝများ ဖွံ့ဖြိုးတိုးတက်လာမည်ဖြစ်သည်။