18 Feb,2026

အောင်လံမြို့နယ် ညောင်အိုင်ကျေးရွာအဝင်လမ်း ကွန်ကရစ်ခင်းခြင်းလုပ်ငန်းဆောင်ရွက်ပြီးစီး

‎********************************

‎အောင်လံ      ဖေဖော်ဝါရီ     ၁၈

‎‎မကွေးတိုင်းဒေသကြီး၊ အောင်လံခရိုင်၊ အောင်လံမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီး ဌာနက ကျေးလက်နေပြည်သူများ၏ လူမှုစီးပွားဘဝဖွံ့ဖြိုးတိုးတက်ရေးအတွက် ညောင်အိုင်ကျေးရွာ အဝင်လမ်း ကွန်ကရစ်ခင်းခြင်းလုပ်ငန်းဆောင်ရွက်လျက်ရှိရာ ယခုအခါ လုပ်ငန်းများအားလုံး ရာနှုန်းပြည့် ပြီးစီးပြီဖြစ်ကြောင်း သိရသည်။

‎‎‌အောင်လံမြို့နယ် ညောင်အိုင်ကျေးရွာအဝင်လမ်းအရှည် ၁၈၀၀ ပေ လမ်းအကျယ် ၁၂ ပေ ထု ၆ လက်မ ကွန်ကရစ်ခင်းခြင်းလုပ်ငန်းကို ၂၀၂၅-၂၀၂၆ ဘဏ္ဍာရေးနှစ် တိုင်းဒေသကြီး(အထွေထွေပိုလျှံ) ရန်ပုံငွေ ကျပ် ၇၁ ဒသမ ၇ သန်းနှင့် ပြည်သူထည့်ဝင်ငွေကျပ် ၇၂ ဒသမ ၃ သန်း၊ စုစုပေါင်းငွေကျပ် ၁၄၄ သန်းဖြင့် အောင်လံမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက တာဝန်ယူ၍ ယခုနှစ် ဇန်နဝါရီလ ၁၅ ရက်နေ့က စတင်အကောင်အထည်ဖော်ဆောင်ရွက်ခဲ့ရာ ယခုအခါ လုပ်ငန်းများအားလုံး ရာနှုန်းပြည့် ဆောင်ရွက်ပြီးစီးပြီဖြစ်ကြောင်း သိရသည်။

‎‎အဆိုပါကျေးရွာအဝင်လမ်း ကွန်ကရစ်ခင်းခြင်းလုပ်ငန်းဆောင်ရွက်ခြင်းကြောင့် ညောင်အိုင်ကျေးရွာရှိ အိမ်ခြေ ၂၇၉ အိမ်ရှိ လူ ၁၀၇၅ ဦးအတွက် စီးပွားရေး၊ ပညာရေး၊ ကျန်းမာရေးနှင့် အခြားလူမှုရေးကိစ္စများဆောင်ရွက်ရာ၌ လမ်းပန်းဆက်သွယ်ရေး အဆင်ပြေလွယ်ကူလျှက်ရှိကြောင်း အောင်လံမြို့နယ်ဦးစီးမှူး ဒေါ်ထားထားရီထံမှ သိရသည်။