18 Feb,2026

ဓနုဖြူ ဖေဖော်ဝါရီ ၁၇

   ဧရာဝတီတိုင်းဒေသကြီး ဓနုဖြူမြို့နယ်ကျေးလက်လမ်းဖွံ့ဖြိုးရေးဦးစီးဌာနသည် ၂၀၂၅-၂၀၂၆ ဘဏ္ဍာနှစ်တွင် တိုင်းဒေသကြီးရန်ပုံငွေဖြင့် ဌာနမှ တာဝန်ယူဆောင်ရွက်ခဲ့သည့် ဆင်လမ်းလေးတံတား ပေ ၄၀ တည်ဆောက်နေမှုအခြေအနေအား ဖေဖော်ဝါရီလ ၁၆ ရက်တွင် ကျေးလက်လမ်းဖွံ့ဖြိုးရေးဦးစီးဌာန အင်ဂျင်နီယာချုပ်(မြို့ပြ) ဦးကျော်ကျော်ထွေးက ကွင်းဆင်းစစ်ဆေးသည်။

   ထိုသို့စစ်ဆေးရာတွင် အင်ဂျင်နီယာချုပ်(မြို့ပြ) ဦးကျော်ကျော်ထွေးက ခရိုင်/မြို့နယ်တာဝန်ခံများနှင့်အတူ ဆင်လမ်းလေးတံတား ပေ ၄၀ ကွန်ကရစ်တံတား တည်ဆောက်နေမှု အခြေအနေအား ကြည့်ရှုစစ်ဆေးပြီး လိုအပ်သည်များ မှာကြားသည်။

   ဆင်လမ်းလေးတံတား တည်ဆောက်ပြီးစီးပါက ဓနုဖြူမြို့နယ်အတွင်းရှိ ကျေးရွာ ငါးရွာ၊ အိမ်ခြေ ၂၁၈ အိမ်၊ လူဦးရေ ၁၁၇၆ ဦး တို့ကို အကျိုးပြုမည့်အပြင် နယ်နိမိတ်ချင်းထိစပ်နေသည့် ပန်းတနော်မြို့နယ်ရှိ ကျေးရွာများ၏ စီးပွားရေး၊ ကျန်းမာရေး၊ ပညာရေး၊ လူမှုရေးကိစ္စရပ်များကိုပါ ကျေးလက်လမ်းကွန်ရက်များ အသုံးပြု၍ ချိတ်ဆက်သွားလာနိုင်မည်ဖြစ်ကြောင်း မြို့နယ်ကျေးလက်လမ်းဖွံ့ဖြိုးရေးဦးစီး ဌာနမှသိရသည်။

ဇင်မာ