18 Feb,2026

တောင်ကြီး ဖေဖော်ဝါရီ ၉

       ရှမ်းပြည်နယ်(တောင်ပိုင်း) တောင်ကြီးမြို့နယ် နောင်လေကျေးရွာအုပ်စု ညောင်ဝိုင်းကျေးရွာ မုခ်ဦး၌ ယနေ့နံနက်ပိုင်းတွင် (၇၉)နှစ်မြောက် ပြည်ထောင်စုနေ့ ကို ကြိုဆိုဂုဏ်ပြုသောအားဖြင့် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ကျေးလက်လမ်းဖွံ့ဖြိုးရေးဦးစီးဌာနမှ ညောင်ဝိုင်း - မူယားလမ်း ၀/၃ မိုင် ကတ္တရာ လမ်းသစ်ဖွင့်ပွဲ အခမ်းအနား ကျင်းပသည်။

       ရှေးဦးစွာ ရှမ်းပြည်နယ်အစိုးရအဖွဲ့ဝင် ပြည်နယ်လမ်းပန်းဆက်သွယ်ရေးဝန်ကြီး ဦးနေဝင်းအောင်၊ ပြည်နယ်တိုင်းရင်းသားရေးရာဝန်ကြီး ဦးအောင်ကြည်ဝင်း နှင့် ရှမ်းပြည်နယ် ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး (မြို့ပြ) ဦးမျိုးမင်းသန့်တို့က ကတ္တရာလမ်းသစ်အား ဖဲကြိုးဖြတ်ဖွင့်လှစ်ပေးပြီး တာဝန်ရှိ သူများနှင့် အတူ လမ်းသစ်အားလှည့်လည်ကြည့်ရှုစစ်ဆေးသည်။

      ဆက်လက်၍ မူယားကျေးရွာမဏ္ဍပ်၌ ပြည်နယ်လမ်းပန်းဆက်သွယ်ရေးဝန်ကြီးက အမှာစကား ပြောကြားပြီး ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူးက လမ်းနှင့်ပတ်သက်သည့် ဆောင်ရွက်ချက်များကိုရှင်းလင်းတင်ပြသည်။

     အဆိုပါလမ်းသည် စုစုပေါင်း အရှည် ၁/၄ မိုင်၊ အကျယ် ၁၂ ပေရှိပြီး ကိုယ်ထူကိုယ်ထစနစ်ဖြင့် ယခင်မြေသားအဆင့်သာရှိပြီး ယခုကတ္တရာလမ်းအဖြစ် ၀/၃ မိုင် အဆင့်မြှင့်တင်ဆောင်ရွက်ခဲ့ကြောင်းနှင့် ၂၀၂၅-၂၀၂၆ ပြည်နယ်ငွေလုံးငွေရင်းမှ ငွေကျပ် ၁၇၃ဒသမ၄၅၀ သန်း ကုန်ကျကြောင်းနှင့် လမ်းခံနိုင်ဝန်အနေဖြင့် ယာဉ်တစ်စီးချင်း အလေးချိန် တန် ၂၀ အထိ ဖြတ်သန်းအသုံးပြုသွားနိုင်မည်ဖြစ်ကြောင်း သိရသည်။

(၄၀၅)