10 Mar,2026

သမဝါယမနှင့်စီမံခန့်ခွဲမှုပညာတက္ကသိုလ်(စစ်ကိုင်း)တွင် လူ့စွမ်းအားအရင်းအမြစ် သင်တန်း (HRD Programme)၊ Diploma in Human Resource Management (Dip.HRM) (Online) 4th Batch သင်တန်း၏ အာစရိယပူဇော်ပွဲကို ၅-၃-၂၀၂၆ ရက်နေ့ ည(၇း၀၀)နာရီ အချိန်တွင် Online ဖြင့် ကျင်းပပြုလုပ်ခဲ့ပါသည်။

အခမ်းအနားတွင် ပြင်ပပညာရှင် ဖြစ်သည့် ဒေါက်တာမို့မို့ရီ၊ (ပါမောက္ခချုပ်(ငြိမ်း)၊ သမဝါယမနှင့်စီမံခန့်ခွဲမှုပညာတက္ကသိုလ် (စစ်ကိုင်း) နှင့် ပါမောက္ခချုပ်၊ ဒုတိယပါမောက္ခချုပ် (စီမံ)၊ ဒုတိယပါမောက္ခချုပ် (သင်ကြား)၊စီမံခန့်ခွဲရေးဌာန၊ သင်တန်းရေးရာဌာနနှင့် သုတေသနနှင့်ဖွံ့ဖြိုးမှုဌာနများမှ ဌာနမှူးများ၊ သင်ကြားရေးဌာနများမှ ပါမောက္ခ(ဌာနမှူး) များ၊ ဝါဏိဇ္ဇဗေဒဌာနမှ Program Director ၊ ပါမောက္ခ၊ တွဲဖက်ပါမောက္ခ၊ ကထိကများနှင့် ဆရာ/ဆရာမများ၊ Diploma in Human Resource Management (Dip.HRM)(Online) 4th Batch သင်တန်းမှ သင်တန်းသား၊ သင်တန်းသူ(၁၄၂)ဦးတို့သည် Zoom ဖြင့် Online မှ  တက်ရောက်ခဲ့ကြပါသည်။

အခမ်းအနားအစီအစဉ်အရ တက်ရောက်လာသည့် ဆရာကြီး/ဆရာမကြီးများအား ကျောင်းသား/ကျောင်းသူများမှ ကန်တော့ချိုးဖြင့် ပူဇော်ကန်တော့ခဲ့ကြပြီး ဆရာကြီး/ ဆရာမကြီးများကိုယ်စား ဒေါက်တာမို့မို့ရီ၊ ပါမောက္ခချုပ်(ငြိမ်း)၊ ပါမောက္ခချုပ် ဒေါက်တာ ဥမ္မာစံနှင့် ဒုတိယပါမောက္ခချုပ်(သင်ကြား) ဒေါက်တာကြည်ကြည်ဝင်းတို့မှ ဆုမွန်ကောင်း စကားများ ပြောကြားခဲ့ပါသည်။ 

ဆက်လက်၍ အာစရိယပူ‌ဇော်ပွဲ အခမ်းအနားဖြစ်မြောက်ရေးအတွက် DHRM 4th Batch သင်တန်းသား/သင်တန်းသူများကိုယ်စား သင်တန်းသား(၁)ဦးမှ ကျေးဇူးတင်စကား ပြောကြားပြီးနောက် ည(၈း၀၀)နာရီတွင် အခမ်းအနားကို အောင်မြင်စွာ ပြီးမြောက်ခဲ့ပါသည်။