15 Mar,2026

နေပြည်တော် မတ် ၁၃ သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊အသေးစားစက်မှုလက်မှုလုပ်ငန်းဦးစီးဌာန၏ မဲခေါင်-လန်ချန်းပူးပေါင်းဆောင်ရွက်မှုဆိုင်ရာ အထူးရန်ပုံငွေ(၂၀၂၄) ဖြင့် ဆောင်ရွက်သည့် “ဒေသတွင်း ဒစ်ဂျစ်တယ်နည်းပညာနှီးနှောဖလှယ်ပွဲ" ဒုတိယနေ့ကို ယနေ့နံနက်ပိုင်းတွင် နေပြည်တော်ရှိ M–Gallery ဟိုတယ်၌ ကျင်းပရာ အသေးစားစက်မှုလက်မှုလုပ်ငန်း ဦးစီးဌာန ညွှန်ကြားရေးမှူးချုပ် ဦးသိန်းတိုး၊ ဒုတိယညွှန်ကြားရေးမှူးချုပ်များ၊ ဖိတ်ကြားထားသောဧည့် သည်တော်များ၊ဒစ်ဂျစ်တယ်နည်းပညာဆိုင်ရာပညာ ရှင်များ နှင့်တာဝန်ရှိသူများတက်ရောက်သည်။ အစီအစဉ်အရ အသေးစားစက်မှုလက်မှုလုပ်ငန်းဦးစီးဌာန၊ မြန်မာနိုင်ငံကွန်ပျူတာအသင်းချုပ်၊ မြန်မာနိုင်ငံ ဒစ်ဂျစ်တယ်စီးပွားရေးဆိုင်ရာလုပ်ငန်းရှင်များအသင်းနှင့် တာဝန်ရှိသူများနှင့်တရုတ်နိုင်ငံမှပညာရှင်များက ဒေသတွင်းနိုင်ငံများ၏ ဒစ်ဂျစ်တယ်နည်းပညာအသုံးပြုမှုနှင့် အောင်မြင်နေသည့်လုပ်ငန်းများအ ကြောင်း၊ အနာဂတ်လုပ်ငန်းခွင်နှင့် ဒစ်ဂျစ်တယ်ကျမ်းကျင်မှုအကြောင်း၊ စီမံကိန်းအကောင် အထည်ဖော်ဆောင်ရွက်နိုင်မှု၊တိုးတတ်မှုအခြေအနေနှင့်တွေ့ရှိချက်များ၊ SSID Online Registration Platform နှင့် SSID E -Commerce Platform ဆောင်ရွက်ထားရှိမှုအခြေအနေများကို မျှဝေဆွေးနွေးကြသည်။ ဆက်လက်၍ လုပ်ငန်းအောင်မြင်ရေးအတွက် လုပ်ငန်းရှင်များ၏ ဒစ်ဂျစ်တယ်နည်းပညာကျွမ်းကျင်မှုမြှင့်တင်ရေး ဆိုင်ရာလိုအပ်ချက်များနှင့် သိလိုသည်များအတွက် အုပ်စုဖွဲ့၍ ဆွေးနွေးခြင်း၊ အုပ်စုဖွဲ့ဆွေးနွေးခြင်းမှ ရရှိလာသည့်အချက်များကို ပြန်လည်မျှဝေခြင်းများ ဆောင်ရွက်ခဲ့ကြသည်။ ထို့နောက် အသေးစားစက်မှုလက်မှုလုပ်ငန်းဦးစီးဌာန ညွှန်ကြားရေးမှူးချုပ်က နိဂုံးချုပ်အမှာစကားပြောကြား သည်။ ယင်းနောက် ပညာရှင်များအား ဂုဏ်ပြုမှတ်တမ်းလွှာနှင့် လက်ဆောင်ပစ္စည်းများပေးအပ်ချီးမြှင့်ခဲ့ကြောင်း သိရသည်။