17 Mar,2026

ရန်ကုန် မတ်လ ၁၆

     ရန်ကုန်တိုင်းဒေသကြီး ထန်းတပင်မြို့နယ် ကျေးလက်လမ်းဖွံ့ဖြိုးရေးဦးစီးဌာန ၂၀၂၅-၂၀၂၆ ဘဏ္ဍာရေးနှစ် တိုင်းဒေသကြီးရန်ပုံငွေဖြင့် ဆောင်ရွက်သည့် အတွင်းရေကျော် အမယ်ကြီးအို-စံချောင်းလမ်းပေါ်ရှိ တံတားချဉ်းကပ်ကျောက်ချောလမ်းခင်းခြင်းလုပ်ငန်း ဆောင်ရွက်ပြီးစီးမှုအခြေအနေများကို မတ် ၁၅ ရက်တွင် တာဝန်ရှိသူများက ကွင်းဆင်း ကြည့်ရှုစစ်ဆေးခဲ့ကြသည်။

      ကြည့်ရှုစစ်ဆေးရာတွင် ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်) မှ အင်ဂျင်နီယာချုပ်(တည်ဆောက်ရေး) ရန်ကုန်တိုင်းဒေသကြီး တာဝန်ခံ ဦးဇော်မိုးဦး နှင့် တာဝန်ရှိသူများက အတွင်းရေကျော်- အမယ်ကြီးအို-စံချောင်းလမ်းပေါ်ရှိ တံတားချဉ်းကပ်ကျောက်ချောလမ်းခင်းခြင်းလုပ်ငန်း လမ်းအရှည် ပေ ၄၀၀၊ အကျယ် ၁၈ ပေနှင့် ဒု ၆ လက်မခင်းခြင်းလုပ်ငန်း ဆောင်ရွက်ပြီးစီးမှုအခြေအနေများကို ကြည့်ရှု စစ်ဆေးခဲ့ကြကြောင်း သိရသည်။

ဇင်မင်းထိုက်(ထန်းတပင်)