30 Mar,2026

သာယာဝတီ မတ် ၃၀

 ပဲခူးတိုင်းဒေသကြီး၊ သာယာဝတီမြို့နယ်အတွင်းရှိ ၂၀၂၅-၂၀၂၆ ဘဏ္ဍာနှစ် သမဝါယမကဏ္ဍမှ နိုင်ငံတော်ထောက်ပံ့ငွေ(သက်တန့်ရောင်)စီမံကိန်းဖြင့် ဆောင်ရွက်သည့် ကျွန်းကုန်းကျေးရွာရှိ ကျွန်းကုန်းစိုက်ပျိုးရေးနှင့် အထွေထွေသမဝါယမအသင်းတွင် အသင်းသား ၄၄ ဦးမှ နွေစပါးသီးနှံများ ဖြစ်သည့် အောင်နိုင်တိုးစပါး ၁၆၁ ဧကနှင့် ရေဆင်းပေါ်ဆန်း-၂ စပါး ၅၀ ဧက စိုက်ပျိုးထားရှိရာ ရေဆင်းပေါ်ဆန်း-၂ စပါးအား မျိုးစေ့ထုတ်လုပ်သွားမည်ဖြစ်ပြီး ၎င်းစိုက်ဧက ၅၀ အနက်မှ အသင်းသား တောင်သူ ဦးစောထွန်းထွန်းဦး၏ စိုက်ဧက တစ်ဆယ်ဧကပေါ်တွင် (မျိုးစေ့ထုတ်)စပါး စိုက်ပျိုးထား ရှိမှုအား မြို့နယ်သမဝါယမဦးစီးဌာနနှင့် တာဝန်ရှိပုဂ္ဂိုလ်များမှ ကွင်းဆင်းကြည့်ရှုစစ်ဆေးခဲ့ပြီး လိုအပ် သည်များကို ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။