24 Mar,2026

ပန်းတောင်း မတ် ၂၃

          ပဲခူးတိုင်းဒေသကြီး၊ ပန်းတောင်းမြို့နယ်အတွင်းရှိ ၂၀၂၅-၂၀၂၆ ဘဏ္ဍာရေးနှစ် သမဝါယမ ကဏ္ဍမှ လူမှုစီးပွားဘဝမြှင့်တင်ရေး သက်တန့်ရောင်စီမံကိန်းဖြင့်  ဆောင်ရွက်သည့် ချမ်းမြသာ စိုက်ပျိုးရေးနှင့်အထွေထွေလုပ်ငန်းသမဝါယမအသင်းမှ အသင်းသားတောင်သူ ၁၃ ဦး စိုက်ပျိုးထားသော ဆင်းပဒေသာ(၁၁)၊ ဗီယက်နမ်မြေပဲမျိုး စိုက်ဧက ၄၅ ဧက၏ ရိတ်သိမ်းမှု အခြေအနေအား မြို့နယ်သမဝါယမဦးစီးဌာနနှင့် မြို့နယ်သမဝါယမအသင်းစုတို့မှ တာဝန်ရှိပုဂ္ဂိုလ်များ ကွင်းဆင်းကြည့်ရှု ခဲ့ရာ ပန်းတိုင်အထွက်နှုန်းကျော်လွန်၍ တစ်ဧကလျှင် မြေပဲတင်း ပျမ်းမျှအထွက်နှုန်း ၈၇ တင်း ထွက်ရှိကြောင်း သိရသည်။