02 Apr,2026

ပေါက်‌ခေါင်း ဧပြီ ၁

ပဲခူးတိုင်းဒေသကြီး၊ ပေါက်ခေါင်းမြို့နယ်အတွင်းရှိ ၂၀၂၅-၂၀၂၆ ဘဏ္ဍာရေးနှစ် သမဝါယမ ကဏ္ဍမှ နိုင်ငံ့စီးပွားမြှင့်တင်ရေးရန်ပုံငွေဖြင့် တစ်ဧကလျှင် ကျပ်နှစ်သိန်းနှုန်းနှင့်ညီမျှသော စပါးမျိုး နှင့် သွင်းအားစုများကို ပံ့ပိုးပေးထားသည့် အခြေခံသမဝါယမအသင်း(၄)သင်း၊ အသင်းသား(၇၀)ဦး၏ နွေစပါးစိုက်ပျိုး ဧက ၅၀၀ စိုက်ပျိုးထားရှိသည့်အနက် ငါးခူအိုင်ကျေးရွာ၊ ငွေလမင်း စိုက်ပျိုးရေးနှင့် အထွေထွေသမဝါယမအသင်းမှ အသင်းသားတောင်သူ ဦးရဲနိုင်၏ ရေဆင်းပေါ်ဆန်း-၂ စပါး မျိုးစေ့ ထုတ်စိုက်ခင်း ဖြစ်ထွန်းအောင်မြင်နေမှုအား မြို့နယ်သမဝါယမဦးစီးဌာနနှင့် မြို့နယ်သမဝါယမ အသင်းစုမှ တာဝန်ရှိသူများက သွားရောက်ကွင်းဆင်းကြည့်ရှုပြီး လိုအပ်သည်များကို ပူးပေါင်း ဆောင်ရွက်ပေးခဲ့ကြောင်း သိရသည်။