30 Mar,2026

ဘားအံ မတ် ၃၀

 ကရင်ပြည်နယ်၊ ဘားအံမြို့နယ်တွင် အသင်းအချင်းချင်းပံ့ပိုးငွေဖြင့် မျိုးနှင့်သွင်းအားစုများ ပံ့ပိုးပေးထားသည့် ထုံးအိုင်ကျေးရွာရှိ ထုံးအိုင်စိုက်ပျိုးရေးနှင့်အထွေထွေစီးပွားရေးလုပ်ငန်း သမဝါယမ အသင်းသားတောင်သူ ၅၀ ဦး၏ စိုက်ဧက ၁၇၀ စိုက်ပျိုးထားသော ဆောင်းဆီထွက်သီးနှံမြေပဲ နုတ်သိမ်းနေမှုကို ကရင်ပြည်နယ်သမဝါယမဦးစီးဌာနမှ ပြည်နယ်ဦးစီးမှူး‌ ဒေါ်အေးပွင့်နှင့် တာဝန်ရှိသူများက ကွင်းဆင်းကြည့်ရှုခဲ့သည်။

 ထိုသို့ကွင်းဆင်းကြည့်ရှုရာတွင် ပြည်နယ်ဦးစီးမှူးက ဆောင်းဆီထွက်သီးနှံမြေပဲစိုက် အသင်းသားတောင်သူများနှင့် တွေ့ဆုံကာ မြေပဲနုတ်သိမ်းရာတွင် အလေအလွင့်မရှိစေရေး၊ မြေပဲတောင့်များ ကွဲအက်မှုမရှိစေရေး၊ ထွက်ရှိလာသော မြေပဲကုန်ကြမ်းများအား ကာလပေါက်ဈေး ရရှိစေရေးအတွက် ဆီစက်လုပ်ငန်းရှင်များသမဝါယမအသင်းနှင့် အသင်းအချင်းချင်းချိတ်ဆက်၍ ဝယ်ယူကြိတ်ခွဲရောင်းချစေရေး တို့ကို ပေါင်းစပ်ဆောင်ရွက်သွားရန် မှာကြားခဲ့ပြီး မြေပဲအထွက်နှုန်းမှာ တစ်ဧကလျှင် ၇8 တင်း ထွက်ရှိကြောင်း သိရသည်။