07 Apr,2026

နေပြည်တော်၊ ဧပြီလ  ၇ ရက်

                  သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ အသေးစားစက်မှုလက်မှုလုပ်ငန်းဦးစီးဌာန အနေဖြင့် ၂၀၂၆-၂၀၂၇ ဘဏ္ဍာရေးနှစ်၊ ပထမရက်(၁၀၀)အတွင်း ကုန်ထုတ်လုပ်ငန်များ အကောင် အထည်ဖော်ဆောင်ရွက်နိုင်ရေးအတွက် နေပြည်တော်အသေးစားစက်မှုလက်မှုလုပ်ငန်းဦးစီးဌာနမှ တာဝန်ရှိသူများသည် ပြည်ထောင်စုနယ်မြေအတွင်းရှိ ဘေးဒဏ်သင့်ပြည်သူများအား လုပ်ငန်း ထူထောင်ပေးနိုင်ရန်အတွက်ဒေသခံပြည်သူများနှင့် တွေ့ဆုံကာ ဌာနမှဆောင်ရွက်ပေးနေသော စီမံကိန်း လုပ်ငန်းများအား ရှင်းလင်း၍ဒေသနှင့် ကိုက်ညီသောလုပ်ငန်းများထူထောင်နိုင်ရန်အတွက် နည်းပညာ ပေးနိုင်သည့် သင်တန်းအမျိုးအစားများကို ဖွင့်လှစ်သင်ကြားပေးသွားမည်ဖြစ်ပါကြောင်း၊ ဖွင့်လှစ် သင်ကြားပြီးသည့်နောက် သင်တန်းဆင်းများအနက် သတ်မှတ်နှင့်ကိုက်ညီသည့် တစ်ပိုင်တစ်နိုင် ကိုယ်ပိုင်လုပ်ငန်းထူထောင်လိုသူ (၅)ဦးကို ရွေးချယ်ပြီး ဒေသဖွံ့ဖြိုးရေးလုပ်ငန်းသုံးပစ္စည်းများ အသုံးပြုခွင့် ပံပိုးဆောင်ရွက်ပေးမည်ဖြစ်ပြီး အသေးစားစက်မှုလက်မှုလုပ်ငန်းဥပဒေနှင့်အညီ လုပ်ငန်း မှတ်ပုံတင်ပေးမည့်အခြေအနေများအား ကွင်းဆင်းစည်းရုံးဆောင်ရွက်ခဲ့ကြောင်း သိရသည်။

                  ဆွေးနွေးမှုများအပေါ် ဒေသခံများ၏တောင်းဆိုမှုအရ စားသောက်ကုန်လုပ်ငန်းထူထောင် ပေးနိုင်ရန်အတွက် မိသားစုဝင်ငွေတိုးရေးစီမံကိန်းလုပ်ငန်းအား ဧပြီလအတွင်း စတင်အကောင် အထည်ဖော် ဆောင်ရွက်သွားရန် ကွင်းဆင်းဆောင်ရွက်ခဲ့ကြောင်း သတင်းရရှိပါသည်။