10 Apr,2026

အုတ်တွင်း ဧပြီ ၈

 ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ်အတွင်းရှိ ၂၀၂၅-၂၀၂၆ ဘဏ္ဍာရေးနှစ် သမဝါယမကဏ္ဍမှ နွေစပါးစီမံကိန်းဆောင်ရွက်သည့် ကျေးရွာ ၅ ရွာ၊ အသင်း ၅ သင်း၊ အသင်းသား ၂၀၀ ဦးတို့၏ စိုက်ဧက ၁၀၀၀ တွင် စိုက်ပျိုးသော အထွက်တိုး၊ ထိုင်းနှံကောက်၊ မျိုးစပါး ၉၉၀ ဧကနှင့် ရေဆင်းပေါ်ဆန်း(၂) ၁၀ ဧကအတွက် တစ်ဧကလျှင် ကျပ် ၂၅၀၀၀၀/- နှုန်းဖြင့်ညီမျှသော သွင်းအားစုတို့ကို သမဝါယမကဏ္ဍမှ ပံ့ပိုးဆောင်ရွက်ပေးခဲ့သည်။ 

 ယင်းအသင်းများထဲမှ ဆီဆုံကုန်း စိုက်/ထွေသမဝါယမအသင်း အသင်းသားတောင်သူ ၅၆ ဦးအနက် အသင်းသား တောင်သူ ဦးဝင်းကြည် seeder စက်ဖြင့် စိုက်ပျိုးထားသော ရက် ၇၀ အရွယ်ခန့် ထိုင်းနှံကောက်စပါး စိုက်ပျိုးထားရှိမှုကို မြို့နယ်သမဝါယမဦးစီးဌာနနှင့် မြို့နယ် သမဝါယမအသင်းစုတို့မှ တာဝန်ရှိသူများက ပန်းတိုင်အထွက်နှုန်း ရရှိရေးအတွက် ကွင်းဆင်း ကြီးကြပ်ဆောင်ရွက်ပြီး လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။