08 May,2026

ရက် ၁၀၀ စီမံချက်ဖြင့် ရမည်းသင်း မြို့နယ်၌ အသက်မွေးဝမ်းကျောင်း အထောက်အကူပြု လူသုံးကုန်ပစ္စည်း ပြုလုပ်နည်း ( ဆပ်ပြာ ) သင်တန်း ဖွင့်လှစ်နေမှု ကြည့်ရှု စစ်ဆေး

ရမည်းသင်း မေ ၈

            သမဝါယမ နှင့် ကျေးလက်ဖွံ့ဖြိုးရေးဝန်ကြီးဌာန ၊ မန္တလေးတိုင်းဒေသကြီး ရမည်းသင်း ခရိုင်  ရမည်းသင်း မြို့နယ်ကျေးလက်ဒေသဖွံ့ဖြိုးတိုးတက်ရေး ဦးစီးဌာနက  ကျေးလက်နေပြည်သူများ အလုပ်အကိုင်အခွင့်အလမ်း များရရှိစေရန်၊ဝင်ငွေတိုး လုပ်ငန်းများ ပိုမိုတွင်ကျယ်စွာ လုပ်ကိုင်လာနိုင်စေရန် နှင့် ကျွမ်းကျင်လုပ်သားများပေါ်ပေါက်စေရန် ရည်ရွယ်၍  ၂၀၂၆ -၂၀၂၇ ခု ဘဏ္ဍာ နှစ် ရက် ၁၀၀ စီမံချက်ဖြင့် အသက်မွေး ဝမ်းကျောင်းအထောက် အကူပြု လူသုံးကုန်ပစ္စည်း ပြုလုပ်နည်း ( ဆပ်ပြာ ) သင်တန်း  ဖွင့်လှစ်ဆောင်ရွက်နေမှု ကို ကို မေလ ၇  ရက်နေ့ နံနက်ပိုင်း က တာဝန်ရှိသူများ ကြည့်ရှု စစ်ဆေးခဲ့ကြောင်း သိရသည်။

          ထိုသို့ ကြည့်ရှုစစ်ဆေးရာတွင်  ရမည်းသင်း ခရိုင် ကျေးလက်ဒေသဖွံ့ဖြိုးတိုးတက်ရေး ဦးစီးဌာန ခရိုင်ဦးစီးမှူး ဦးဝင်းမြတ်သိန်း၊ မြို့နယ်ဦးစီးမှူး နှင့် တာဝန်ရှိသူများက အသက်မွေး ဝမ်းကျောင်းအထောက် အကူပြု လူသုံးကုန်ပစ္စည်း ပြုလုပ်နည်း ( ဆပ်ပြာ ) သင်တန်း တွင် ဘာသာရပ်အလိုက်  စာတွေ့ ၊ လက်တွေ့ သင်ကြားပို့ချနေမှု အခြေများကို ကြည့်ရှု စစ်ဆေးပြီး  ရမည်းသင်း ခရိုင် ကျေးလက်ဒေသဖွံ့ဖြိုးတိုးတက်ရေး ဦးစီးဌာန ခရိုင်ဦးစီးမှူး ဦးဝင်းမြတ်သိန်း က သင်တန်းသူများအနေဖြင့် သင်တန်း မှ ပို့ချသော ပညာရပ်များကို စနစ်တကျ သင်ယူစေလိုကြောင်း၊ လက်တွေ့နယ်ပယ် တွင်လည်း အသုံးချစေလိုကြောင်း၊ တစ်နိုင်တစ်ပိုင် မှသည် အသေးစား၊အငယ်စား၊ အလတ်စား စီးပွားရေးလုပ်ကိုင်သည်အထိ ကြိုးစား ဆောင်ရွက်စေလိုကြောင်း မှာကြားခဲ့ကြောင်း သိရသည်။
  
အဆိုပါ သင်တန်းသို့ သင်တန်းသူ ၂၀ ဦး တက်ရောက်ကြပြီး  လူသုံးကုန်ပစ္စည်း ပြုလုပ်နည်း ( ဆပ်ပြာ ) ကို မေ ၄ ရက်ကနေ  မေလ ၈  ရက်ထိ  ၅ ရက်ကြာ စာတွေ့လက်တွေ့ဖြင့် အခမဲ့ သင်ကြားပို့ချလျက်ရှိကြောင်း ရမည်းသင်း ခရိုင် ကျေးလက်ဒေသဖွံ့ဖြိုးတိုးတက်ရေး ဦးစီးဌာန ခရိုင်ဦးစီးမှူး ဦးဝင်းမြတ်သိန်း   ထံမှ သိရသည်။

    ဇင်မာ