ဒိုက်ဦးမြို့နယ် အောင်မြင်ကွင်းကျေးရွာ၌ ရက် ၁၀၀ စီမံချက်ဖြင့် ဘက်စုံသုံးခန်းမတည်ဆောက်နေမှုစစ်ဆေး

=====================================

ဒိုက်ဦး၊ မေ-၈

 

     သမဝါယမနှင့် ကျေးလက်ဖွံ့ဖြိုးရေးဝန်ကြီးဌာ န၊ ပဲခူးတိုင်းဒေသကြီး၊ ညောင်လေးပင်ခရိုင်၊ ဒိုက် ဦးမြို့နယ်ကျေးလက်ဒေသဖွံ့ဖြိုးတိုးတက်ရေးဦး စီးဌာနမှ ၂၀၂၆-၂၀၂၇ ဘဏ္ဍာရေးနှစ်တွင် ရက် ၁၀၀ စီမံချက်ဖြင့် ဆင်ဇလုပ်ကျေးရွာအုပ်စု၊ အောင်မြင်ကွင်းကျေးရွာ၌ ကျေးရွာဖွံ့ဖြိုးတိုးတက် ရေးလုပ်ငန်းစီမံကိန်း(VDP)ရန်ပုံငွေနှင့် ပြည်သူထည့်ဝင်‌ငွေတို့ဖြင့် ဘက်စုံသုံးခန်းမတည်ဆောက်နေမှုအခြေအနေများကို တာဝန်ရှိသူများမှ ယနေ့နံ နက်ပိုင်းအချိန်က ကွင်းဆင်းစစ်ဆေးကြကြောင်းသိရသည်။

     ထိုသို့ကွင်းဆင်းစစ်ဆေးရာတွင် ဒိုက်ဦးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဦးအောင်မြင့်ထွန်းနှင့် အင်ဂျင်နီ ယာဝန်ထမ်းများမှ ကျေးရွာကော်မတီဝင်များနှင့်အတူ အောင်မြင်ကွင်းကျေးရွာ၌ ဘက်စုံးသုံးခန်းမ တည်ဆောက်နေမှုအခြေအနေများကို ကြည့်ရှု့စစ် ဆေးကြပြီးနောက် မြို့နယ်ဦးစီးမှူးက ကျေးရွာတာ ဝန်ရှိသူများ၊ ကျေးရွာကော်မတီဝင်များနှင့်တွေ့ဆုံ ပြီး စံချိန်စံညွှန်းများနှင့်အညီ အချိန်မီပြီးစီးရေး အ လေးထားဆောင်ရွက်ကြရန် ဆွေးနွေးမှာကြားခဲ့ ကြောင်း သိရသည်။

       ဒိုက်ဦးမြို့နယ် အောင်မြင်ကွင်းကျေးရွာ၌ အ လျှား ၆၀ ပေ၊ အနံ ၂၅ ပေ၊ အမြင့် ၁၁ ပေရှိသော ဘက်စုံသုံးခန်းမတည်ဆောက်ခြင်းကို ကျေးရွာဖွံ့ ဖြိုးတိုးတက်ရေးလုပ်ငန်းစီမံကိန်း(VDP)ရန်ပုံငွေကျပ် ၁၅၀ သိန်း၊ ကျေးရွာပြည်သူလူထုထည့်ဝင် ငွေကျပ် ၅၅၀ သိန်း၊ စုစုပေါင်းငွေကျပ် ၇၀၀ သိန်းဖြင့် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ အင်ဂျင်နီယာဝန်ထမ်းများ၏ နည်းပညာကူညီမှုဖြင့် ကျေးရွာသူကျေးရွာသားများကိုယ်တိုင်၂၀၂၆ ခုနှစ် ဧပြီလ ၂၆ ရက်နေ့မှစတင်ကောင်အထည်ဖော်ဆောင်ရွက်ခဲ့ရာ ယခုအခါ ၇၀ ရာနှုန်းဆောင် ရွက်ပြီးစီးနေပြီဖြစ်ကြောင်း၊ အဆိုပါလုပ်ငန်းများအားလုံးရာနှုန်းပြည့်ဆောင်ရွက်ပြီးစီးပါက အောင် မြင်ကွင်းကျေးရွာရှိ အိမ်ခြေ ၆၃ အိမ်မှ လူဦးရေ ၂၆၀ ဦးတို့၏ ပညာရေး၊ ကျန်းမာရေး၊ စီးပွားရေးနှင့် လူမှုကိစ္စရပ်များအတွက် အသုံးပြုနိုင်မည်ဖြစ်ပြီး ယခင်ကထက် လူစီးပွားဘဝများပိုမိုမြင့်မားလာမည်ဖြစ်ကြောင်း ဒိုက်ဦးမြို့နယ်ကျေးလက်ဒေ သဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဦးအောင်မြင့်ထွန်းထံမှ သိရ သည်။

ချိုလေး