12 May,2026

ချောင်းဆုံ မေ ၁၁

          သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ မွန်ပြည်နယ်၊ ချောင်းဆုံမြို့နယ်သမဝါယမ ဦးစီးဌာနတွင် ရက်(၁၀၀)စီမံချက်ကာလအတွင်း သက်တန့်ရောင်စီမံကိန်းဖြင့် စိုက်ပျိုးရေးလုပ်ငန်း ဆောင်ရွက်မည့် ပန်းကမ္ဘာဆီထွက်သီးနှံစိုက်ပျိုးထုတ်လုပ်ရေးသမဝါယမအသင်း၊ ဒေါင်းရပ်အရှေ့ လယ်ယာနှင့်အထွေထွေစီးပွားရေးလုပ်ငန်းသမဝါယမအသင်း၊ စိန်ပန်းခိုင်လယ်ယာနှင့်အထွေထွေ စီးပွားရေးလုပ်ငန်းသမဝါယမအသင်း (၃)သင်းရှိ မိုးစပါးစိုက်ပျိုးမည့် အသင်းသားတောင်သူများအား လိုအပ်သောသွင်းအားစုများ ပံ့ပိုးပေးမည်ဖြစ်ရာ လုပ်ငန်းစဉ်များ၊ (SOP) နှင့်အညီဆောင်ရွက်နိုင်ရေး စိုက်ပျိုးရေးလုပ်ငန်းများ ဆောင်ရွက်ရာတွင် အထွက်နှုန်းကောင်းမွန်၍ စနစ်ကျသော စိုက်ပျိုးနည်း စနစ်များနှင့်အညီ ဆောင်ရွက်နိုင်ရေးအတွက် ပြည်နယ်သမဝါယမဦးစီးဌာနမှ လက်ထောက် ညွှန်ကြားရေးမှူး၊ နယ်မြေတာဝန်ခံ ဦးဆောင်၍ မြို့နယ်ဦးစီးအရာရှိနှင့် ဝန်ထမ်းများက အသင်းသား တောင်သူများနှင့် တွေ့ဆုံရှင်းလင်းဆောင်ရွက်ခဲ့ကြောင်း သိရသည်။