16 May,2026

ဓနုဖြူ မေ ၁၄

 ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်တွင် ပညာတံခွန်ငွေစုငွေချေးသမဝါယမ အသင်း၏ နှစ်ပတ်လည်အရပ်ရပ်ဆိုင်ရာအစည်းအဝေးနှင့် အသင်းသားများအတွက် စုဆောင်းငွေ အပေါ် အကျိုးအမြတ်ပေးအပ်ပွဲအခမ်းအနားကို အမှတ် (၂) အခြေခံပညာအထက်တန်းကျောင်း ပညာဗိမာန်ခန်းမ၌ ကျင်းပသည်။

 အခမ်းအနားတွင် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးကျော်မိုးလွင်က အဖွင့်အမှာစကားပြောကြားခဲ့သည်။ ဆက်လက်၍ မြို့နယ်ပညာရေးမှူး ဦးလှဌေးက အမှာစကား ပြောကြားခဲ့ပြီး၊ ပညာတံခွန်အသင်းဥက္ကဋ္ဌ ဦးစိုးနိုင်က ဒါရိုက်တာအဖွဲ့၏ လုပ်ငန်းအစီရင်ခံစာ၊ နှစ်ချုပ် ဘဏ္ဍာရေးရှင်းတမ်း၊ အမြတ်ခွဲဝေစာရင်းများအားဖတ်ကြားပြီး ဒါရိုက်တာအဖွဲ့မှ ရှေ့လုပ်ငန်းစဉ် များအား ချပြဆွေးနွေးခဲ့သည်။ ထို့နောက် အသင်းသားများထံမှ အတည်ပြုချက်ရယူခြင်းနှင့် အတည်ပြုကြောင်းကြေငြာကာ အသင်းသားများ၏ စုဆောင်းငွေအပေါ် အကျိုးအမြတ်များ ပေးအပ် ခဲ့ကြောင်း သိရသည်။

အောင်ပြည့်ဖြိုးဇော် (ပြန်/ဆက်)

ဧရာဝတီတိုင်းဒေသကြီး