ဟင်္သာတ မြို့နယ်၌  အဆင့်မြင့် အပ်ချုပ်စက်သင်တန်း ဖွင့်လှစ်သင်ကြား‌နေမှု စစ်ဆေး

‎=====================================

‎ဟင်္သာတ မေ ၁၆

‎ 

‎   သမဝါယမ နှင့် ကျေးလက်ဖွံ့ဖြိုးရေးဝန်ကြီးဌာန ၊ ဧရာဝတီတိုင်းဒေသကြီး ဟင်္သာတ ခရိုင် ဟင်္သာတမြို့နယ်ကျေးလက်ဒေသဖွံ့ဖြိုးတိုးတက်ရေး ဦးစီးဌာနက  ကျေးလက်နေပြည်သူများ အလုပ်အကိုင်အခွင့်အလမ်း များရရှိစေရန်၊ဝင်ငွေတိုး လုပ်ငန်းများ ပိုမိုတွင်ကျယ်စွာ လုပ်ကိုင်လာနိုင်စေရန် နှင့် ကျွမ်းကျင်လုပ်သားများပေါ်ပေါက်စေရန် ရည်ရွယ်၍  ၂၀၂၆ -၂၀၂၇ ခု ဘဏ္ဍာ နှစ် ရက် ၁၀၀ စီမံချက်ဖြင့် အသက်မွေး ဝမ်းကျောင်းအထောက် အကူပြု အဆင့်မြင့် အပ်ချုပ်စက်သင်တန်း ဖွင့်လှစ် သင်ကြားနေမှုအခြေအနေများကို တာဝန်ရှိသူများ မှ ယနေ့နံနက်ပိုင်းအချိန်က ကွင်းဆင်းစစ်ဆေးကြ ကြောင်းသိရသည်။

‎      ထိုသို့ကွင်းဆင်းစစ်ဆေးရာတွင် ဟင်္သာတမြို့နယ် ကျေးလက်ဒေသဖွံ့ဖြိုးတိုးတက် ရေးဦးစီးဌာန မြို့နယ်ဦးစီးမှူး ဒေါ်ဆွေဆွေဝင်း  နှင့် ဝန်ထမ်းများမှ  အသက်မွေး ဝမ်းကျောင်းအထောက်အကူပြု အဆင့်မြင့် အပ်ချုပ်စက်သင်တန်းဖွင့်လှစ်သင်ကြားနေမှု အခြေ အနေများကို ကြည့်ရှု့စစ်ဆေးကြပြီး နောက်  သင်တန်းသူများနှင့်တွေ့ဆုံကာ မိသားစုအတွက်အပိုဝင်ငွေရှာဖွေပေးနိုင်သည်အထိကြိုးစားသင်ယူကြရန်နှင့် အလုပ်အ ကိုင်အခွင့်အလမ်းနှင့် ရင်းနှီးမတည်ငွေများရရှိ ရေးဆောင်ရွက်ပေးမည်အခြေအနေများကို ဆွေး နွေးပြောကြားခဲ့ကြောင်းသိရသည်။

‎   ဟင်္သာတမြို့နယ်၌  နိုင်ငံ တော်ထောက်ပံ့ရန်ပုံငွေကျပ် ၅ ဒဿမ ၄၇၈  သန်းအသုံးပြုပြီး အသက်မွေးဝမ်းကျောင်းအထောက် အကူပြု အဆင့်မြင့်အပ်ချုပ်စက်သင်တန်းကို ဖွင့်လှစ်သင်ကြားနေခြင်းဖြစ်ကြောင်း၊ ဟင်္သာတမြို့နယ် နှင့် အနီးပတ်ဝန်းကျင်ကျေးရွာများမှ သင်တန်းသူ(၂၀)ဦးတက်ရောက်ကြောင်း၊ အပ်ချုပ်စက်နှင့် ပတ်သက်၍  ကျွမ်းကျင်နည်း ပြဆရာမများက ၂၀၂၆ ခုနှစ် မေလ ၄ ရက်နေ့မှစတင်ပြီး ဇွန်လ ၁၇ ရက်နေ့ အထိ ၄၅  ရက်ကြာ စာတွေ့လက်တွေ့နှစ်မျိုးဖြင့် အခမဲ့သင်ကြား‌ပေးနေခြင်းဖြစ်ကြောင်းသိရသည်။

‎

‎ဇင်မာ