မင်းလှမြို့နယ်၌ VDP စီမံကိန်းရန်ပုံငွေလွှဲပြောင်းပေးအပ်ပွဲကျင်းပပြုလုပ်

===============================

မင်းလှ၊ မေ-၂၁

 

     သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန မကွေးတိုင်းဒေသကြီး၊ သရက်ခရိုင်၊ မင်းလှမြို့ နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၆-၂၀၂၇ ဘဏ္ဍာရေးနှစ်တွင် ရက် ၁၀၀ စီမံချက်ဖြင့် ဥယျာဉ်ကျေးရွာ၌ အကောင်အထည်ဖော်ဆောင်ရွက်သည့် ကျေးရွာဖွံ့ဖြိုးတက်ရေးလုပ်ငန်းစီမံကိန်း(VDP)ရန်ပုံငွေလွှဲပြောင်းပေးအပ်ပွဲအခမ်း အနားကို မေလ ၂၁ ရက်နေ့က မင်းလှမြို့နယ်အ ထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမ၌ ကျင်းပပြုလုပ်ကြောင်း သိရသည်။

     ရှေးဦးစွာ မင်းလှမြို့နယ်စီမံခန့်ခွဲရေးနှင့်အုပ် ချုပ်ရေးကော်မတီ ဥက္ကဌ ဦးသန်းထွန်းအောင်က အဖွင့်အမှာစကားပြောကြားသည်။

      ဆက်လက်၍ မင်းလှမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဒေါ်လှမျိုးသူက ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP)အကောင်အထည်ဖော်ဆောင်ရွက်ရခြင်းနှင့် စီမံကိန်းရန်ပုံငွေလွှဲပြောင်းပေးအပ်ရခြင်း၏ရည်ရွယ်ချက်များ၊ အကျိုးကျေးဇူးများ၊ စီမံကိန်းအကြောင်းအရာများ၊ ရှေ့ဆက်လက် ဆောင်ရွက်ရမည့် လုပ်ငန်းစဉ်များ၊ ကျေးရွာပြည် သူလူထုမှပူးပေါင်းပါဝင်ဆောင်ရွက်ပေးရမည့်အခြေအနေများ၊ စီမံကိန်းတာဝန်ခံဝန်ထမ်းများက နည်းပညာနှင့်အနီးကပ်ကြီးကြပ်ဆောင်ရွက်ပေးမည့် အခြေအနေများကို ရှင်းလင်းပြောကြား သည်။

      ထို့‌နောက် အခမ်းအနားသို့တက်ရောက်လာကြ သည့် မြို့နယ်စီမံခန့်ခွဲရေးနှင့်အုပ်ချုပ်ရေးကော် မတီ ဥက္ကဌ၊ မြို့နယ်ဦးစီးမှူးနှင့် ဌာနဆိုင်ရာတာဝန် ရှိသူများမှ ဥယျာဉ်ကျေးရွာသို့ ကျေးရွာဖွံ့ဖြိုးတိုး တက်ရေးလုပ်ငန်းစီမံကိန်း(VDP)ရန်ပုံငွေကျပ်သိန်း ၁၅၀ ကိုလွှဲပြောင်းပေးအပ်ကြောင်း၊ ‌ဥယျာဉ်ကျေးရွာ၌ အရှည် ၄၂၀ ပေ၊ အကျယ် ၁၂ ပေ၊ အ မြင့် ၆ လက်မရှိသော ကျေးရွာတွင်းလမ်းကွန်က ရစ်ခင်းခြင်းလုပ်ငန်းကိုကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP)ရန်ပုံငွေကျပ် ၁၅သန်း၊ ကျေးရွာပြည်သူလူထုထည့်ဝင်‌ငွေကျပ် ၁၀ ဒဿမ ၂၀ သန်း၊ စုစုပေါင်းငွေကျပ် ၂၅ ဒဿမ ၂၀ သန်းဖြင့် အကောင်အထည်ဖော်ဆောင်ရွက်သွားမည်ဖြစ်ကြောင်း သိရသည်။

ကိုညို(ကျေးလက်)