ဒေးဒရဲမြို့နယ် အကယ်ကြီးသဲတန်းကျေးရွာတွင် ကွန်ကရစ်လမ်းခင်းခြင်းလုပ်ငန်းဆောင်‌နေမှုအားကွင်းဆင်းစစ်ဆေး

**************************************

ဒေးဒရဲ။      မေ။    ၂၁။       

           သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ဧရာဝတီတိုင်းဒေသကြီး၊ဖျာပုံခရိုင်၊‌ဒေးဒရဲမြို့နယ်ကျေးလက်‌ ဒေသဖွံ့ဖြိုးတိုးတက်‌ရေးဦးစီးဌာနက ၂၀၂၆-၂၀၂၇ ဘဏ္ဍာနှစ်တွင် "ရက်(၁၀၀)စီမံချက်အတွင်း"ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP)ရန်ပုံငွေဖြင့် လေးအိမ်ကုန်းကျေးရွအုပ်စု၊‌‌အကယ်ကြီးသဲတန်းကျေးရွာ၌ ကွန်ကရစ်လမ်းခင်းခြင်းလုပ်ငန်းဆောင်ရွက်‌နေမှုအခြေအနေများကို မေလ(၂၀)ရက်နေ့က တာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။

            ထိုသို့ကွင်းဆင်းစစ်‌ဆေးရာတွင် ဒေးဒရဲမြို့နယ်

ပြည်သူ့လွှတ်တော်ကိုယ်စားလှယ် ဦးအောင်သန်းမြင့်နှင့်ကျေးလက်ဒေသဖွံ့ဖြိုးတိုးတက်ရေးဦးစီးဌာနမြို့နယ်ဦးစီးမှူး ဒေါ်အေးအေးသန့်နှင့်ဝန်ထမ်းများအဖွဲ့သည် အကယ်ကြီးသဲတန်းကျေးရွာဖွံ့ဖြိုးရေးကော်မတီဝင်များနှင့်အတူ လမ်းအရှည် ၃၂၀ပေ၊လမ်းအကျယ် ၁၀ပေ၊အမြင့် ၆လက်မ ထုဖြင့် ကျေးရွာတွင်းကွန်ကရစ်ခင်းခြင်းလုပ်ငန်းဆောင်ရွက်နေမှု အခြေအနေများအားကြည့်ရှုစစ်ဆေးခဲ့ပြီး မြို့နယ်ဦးစီးမှူးက ကွန်ကရစ်လမ်းအား ရက်(၁၀၀)စီမံချက်အတွင်း သတ်မှတ်စံချိန်စံညွှန်းများနှင့်အညီ ပြီးစီးအောင်ဆောင်ရွက်ကြာရန် မှာကြားခဲ့သည်။

             အဆိုပါ အကယ်ကြီးသဲတန်းကျေးရွာ၌ ကျေးရွာတွင်းကွန်ကရစ်ခင်းခြင်းလုပ်ငန်းကို ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း (VDP)မှပံ့ပိုးရန်ပုံငွေကျပ် ၁၅၀သိန်း၊ပြည်သူထည့်ဝင်‌ ငွေကျပ် (၅၀)သိန်းစုစု‌ပေါင်း ရန်ပုံငွေကျပ် (၂၀၀)သိန်းဖြင့် မြို့နယ်ကျေးလက်ဦးစီးဌာန၏ နည်းပညာပံ့ပိုးမှု၊အနီးကပ်စောင့်ကြပ်ကြည့်ရှုမှုများနှင့်အတူ ကျေးရွာသူကျေးရွာသားများကိုယ်တိုင် မေလပထမအပတ်မှစတင်၍ ဆောင်ရွက်ခဲ့ရာ ယ‌နေ့တွင် လုပ်ငန်းများ ၇၅ရာခိုင်နှုန်းကျော် ဆောင်ရွက်ပြီးစီးနေပြီဖြစ်ကြောင်း အဆိုပါလုပ်ငန်းဆောင်ရွက်ပြီးစီးပါက ကျေးလက်နေ ပြည်သူများ၏ "လူမှုစီးပွားဘဝ" ဖွံ့ဖြိုးတိုးတက်လာမည်

ဖြစ်‌ကြောင်းဒေးဒရဲမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံးမှ သိရသည်။

 

                                         

                                                       

                                         သန်းသန်းစိုး