21 May,2026

သာယာဝတီ မေ ၂၁

 ပဲခူးတိုင်းဒေသကြီး၊ သာယာဝတီမြို့နယ်အတွင်းရှိ သမဝါယမကဏ္ဍမှ ရက်(၁၀၀)စီမံချက် အတွင်း နိုင်ငံတော်ထောက်ပံ့ငွေ(သက်တန့်ရောင်)စီမံကိန်းဖြင့် ဆောင်ရွက်ထားသည့် ကျွန်းကုန်း စိုက်ပျိုးရေးနှင့် အထွေထွေသမဝါယမအသင်းမှ သမဝါယမအသင်းသားတောင်သူ(၄၄)ဦး၏ အောင်နိုင်တိုးစပါး (၁၆၁)ဧကနှင့် ရေဆင်းပေါ်ဆန်း-၂ စပါး(၅၀)ဧက စိုက်ပျိုးထားရှိများအနက် အသင်းသားတောင်သူ ဦးစောထွန်းထွန်းဦး၏ ရေဆင်းပေါ်ဆန်း-၂ မျိုးစေ့ထုတ်စပါး ရိတ်သိမ်းမှု အခြေအနေကို စနစ်ကျသောစိုက်ပျိုးရေးစနစ်ဖြစ်စေရေးအတွက် သာယာဝတီခရိုင်စိုက်ပျိုးရေး ဦးစီးဌာနမှ တာဝန်ရှိသူများ၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီမှ တာဝန်ရှိသူများ၊ မြို့နယ်စိုက်ပျိုးရေးဦးစီးဌာနမှ တာဝန်ရှိသူများနှင့် သာယာဝတီမြို့နယ်သမဝါယမဦးစီးဌာနမှ ဦးစီးအရာရှိနှင့် ဝန်ထမ်းများက ကွင်းဆင်းကြည့်ရှုပြီး လိုအပ်သည်များကို ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။