*********************************************

နေပြည်တော် မေ ၂၂

           သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ပြည်ထောင်စုနယ်မြေ နေပြည်တော်၊ ဇေယျာသီရိခရိုင်၊ ဇေယျာသီရိမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၆-၂၀၂၇ ဘဏ္ဍာနှစ်၊ ရက်(၁၀၀)စီမံချက်ဖြင့် ကျေးလက်စီးပွားမြင့်မားရေးရန်ပုံငွေထူထောင်ခြင်းလုပ်ငန်းစီမံကိန်း(RBF)၊ မြစိမ်းရောင်ကျေးရွာစီမံကိန်း၊ ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP) အကောင်အထည်ဖော် ဆောင်ရွက်မည့် ကျေးရွာကော်မတီများထံ စီမံကိန်းရန်ပုံငွေများ လွှဲပြောင်းပေးအပ်ပွဲကို မေ ၂၁ရက် နံနက်ပိုင်းက ကျောက်ချက်ကျေးရွာအုပ်စု၊ ရှမ်းရွာကျေးရွာ၌ ကျင်းပပြုလုပ်ကြောင်း သိရသည်။

     ရှေးဦးစွာ ဇေယျာသီရိမြို့နယ် ကျေးလက်‌ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးမျိုးဇော်က အမှာစကားပြောကြားကာ ကျေးလက်စီးပွားမြင့်မားရေးရန်ပုံငွေထူ‌ထောင်ခြင်းလုပ်ငန်းစီမံကိန်း(RBF)၊ မြစိမ်း ရောင်ကျေးရွာစီမံကိန်း၊ ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP)၏ ရည်ရွယ်ချက်များ၊ လုပ်ငန်းစဉ်များ၊ မူဝါဒများနှင့်စပ်လျဉ်း၍ ရှင်းလင်း ပြောကြားသည်။

       ဆက်လက်၍ ဇေယျာသီရိမြို့နယ် ကျေးလက်‌ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးမျိုးဇော်နှင့် တာဝန်ရှိသူများက ကျေးလက်စီးပွားမြင့်မားရေးရန်ပုံငွေထူထောင်ခြင်းလုပ်ငန်းစီမံကိန်းဆောင်ရွက်မည့် ရှမ်းရွာကျေးရွာမှ ကော်မတီဝင်များထံ ရန်ပုံငွေကျပ်သိန်း ၃၀၀ ကိုလည်းကောင်း၊ မြစိမ်းရောင်ကျေးရွာစီမံကိန်း ဆောင်ရွက်မည့် အောင်သာ‌ကျေးရွာမှ ကော်မတီဝင်များထံ ရန်ပုံ‌ငွေကျပ်သိန်း ၃၀၀ကိုလည်း‌ကောင်း၊ ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP) ဆောင်ရွက်မည့် ရွာသစ်ကြီး ကျေးရွာမှ ကော်မတီဝင်များထံ ရန်ပုံငွေကျပ် ၁၅၀ သိန်းကို လည်းကောင်း အသီးသီးလွှဲပြောင်း ပေးအပ်ခဲ့ကြောင်း သိရသည်။

      

နော်လူး