25 May,2026

ရက် ၁၀၀ စီမံချက်ဖြင့် သာစည်မြို့နယ်၌ အသက်မွေးဝမ်း ကျောင်း အထောက်အကူပြု ယိုးဒယားကြိုးများဖြင့် လူသုံးကုန်ထုတ်လုပ်နည်း (ခြင်းတောင်း) သင်တန်းဖွင့်လှစ် ပို့ချနေမှု ကွင်းဆင်းစစ်ဆေး

သာစည် မေ လ ၂၄

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ၊ မန္တလေးတိုင်း ဒေသကြီး မိတ္ထီလာခရိုင် သာစည်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီး ဌာနက ကျေးလက်နေပြည်သူများ အလုပ်အကိုင်အခွင့်အလမ်းများရရှိစေရန်၊ ဝင်ငွေတိုးလုပ်ငန်းများ ပိုမိုတွင်ကျယ်စွာလုပ်ကိုင်လာနိုင်စေရန် နှင့် ကျွမ်းကျင် လုပ်သားများပေါ်ပေါက်စေရန် ရည်ရွယ်၍ ၂၀၂၆ -၂၀၂၇ ခု ဘဏ္ဍာနှစ် ရက် ၁၀၀ စီမံချက်ဖြင့် အသက်မွေးဝမ်းကျောင်းအထောက်အကူပြု ယိုးဒယားကြိုးများဖြင့် လူသုံးကုန် ထုတ်လုပ်နည်း                ( ခြင်းတောင်း ) သင်တန်းဖွင့်လှစ်ပို့နေ​မှုကို မေလ ၂၄ ရက်နေ့ နံနက်ပိုင်းက တာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။

ထိုသို့ ကွင်းဆင်းစစ်ဆေးရာတွင် သာစည်မြို့နယ် ကျေးလက် ဒေသဖွံ့ဖြိုးတိုးတက်ရေးဦးစီးဌာန မြို့နယ်​ေမှူး ဒေါ်မြသက်ဝင်းက ဘာသာရပ်အလိုက် စာတွေ့ ၊ လက်တွေ့ သင်ကြားပို့ချနေမှု အခြေအနေများကို ကြည့်ရှု စစ်ဆေးပြီး သင်တန်းသူများအနေ ဖြင့် သင်တန်းမှ သင်ကြားပို့ချပေးသည့် သင်ခန်းစာများကို အကျိုးရှိစွာ အသုံးချပြီးကိုယ်ပိုင်လုပ်ငန်းများ ဆောင်ရွက်လုပ်ကိုင်နိုင်သည်အထိ အကျိုးရှိစွာကြိုးစားသင်ယူသွားကြရန်၊ တစ်နိုင်တစ်ပိုင် မှသည် အသေးစား၊အငယ်စား၊ အလတ်စား စီးပွားရေးလုပ်ကိုင်သည်အထိ ကြိုးစား ဆောင်ရွက် မှာကြားခဲ့ကြောင်း သိရသည်။

အဆိုပါ သင်တန်းသို့မြစိမ်းရောင်စီမံကိန်းဝင်ကျေးရွာ၆ရွာမှ သင်တန်းသူ ၂၀ ဦး တက်ရောက်ကြပြီးသင်တန်းတွင်လိုအပ်သောသင်ထောက်ကူပစ္စည်းများထောက်ပံ့ပေးပြီး  ယိုးဒယားကြိုးများဖြင့်  လူသုံးကုန်ပစ္စည်းထုတ်လုပ်နည်း (ခြင်းတောင်း) သင်တန်း ကို မေ ၂၀ ရက်ကနေ မေလ၂၉ ရက်ထိ ၁၀ ရက်ကြာ စာတွေ့လက်တွေ့ဖြင့် အခမဲ့ သင်ကြားပို့ချလျက်ရှိကြောင်း သာစည်မြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာန မြို့နယ်ဦးစီးမှူးဒေါ်မြသက်ဝင်းထံမှ သိရသည်။


ဟိန်းထက်စိုး(မလှိုင်)