ဝေါမြို့နယ် မှုံကတုံးကျေးရွာ၌ မြေသားရေကန်တိုးချဲ့ပြုပြင်ခြင်းလုပ်ငန်းဆောင်ရွက်မှုစစ်ဆေး

=====================================

ဝေါ၊ မေ-၂၅

 

       ပဲခူးတိုင်းဒေသကြီး၊ ပဲခူးခရိုင်၊ ဝေါမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၆-၂၀၂၇ ဘဏ္ဍာရေးနှစ်တွင် ရက် ၁၀၀ စီမံ ချက်ဖြင့် မှုံကတုံးကျေးရွာ၌ မြေသားရေကန်တိုး ချဲ့ခြင်းလုပ်ငန်းဆောင်ရွက်နေမှုအခြေအနေများ ကို တာဝန်ရှိသူများမှ ယနေ့နံနက်ပိုင်းအချိန်က ကွင်းဆင်းစစ်ဆေးကညကြောင်းသိရသည်။

      ထိုသို့ကွင်းဆင်းစစ်ဆေးရာတွင် ဝေါမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဒေါ်ငြိမ်းငြိမ်းအိနှင့်ဝန်ထမ်းများ က ကျေးရွာကော်မတီဝင်များနှင့်အတူ မှုံကတုံး ကျေးရွာ၌ မြေသားရေကန်တိုးချဲ့တူးဖော်ခြင်းလုပ် ငန်းနှင့် ခြံစည်းရိုးကာရံခြင်းလုပ်ငန်းဆောင်ရွက် နေမှုအခြေအနေများကို ကြည့်ရှု့စစ်ဆေးကြပြီး နောက် မြို့နယ်ဦးစီးမှူးက ကျေးရွာတာဝန်ရှိသူများကျေးရွာကော်မတီဝင်များနှင့်တွေ့ဆုံကာ သတ် မှတ်ကာလအတွင်း စံချိန်စံညွှန်းပြည့်မီစွာဖြင့် အ ချိန်မီပြီးစီးရေး ဆောင်ရွက်ကြရန် ဆွေးနွေးပြောကြားခဲ့ကြောင်းသိရသည်။

      ဝေါမြို့နယ် မှုံကတုံးကျေးရွာ၌ ၁၀၆၇၅၀ ကုဗ ပေရှိသောမြေသားရေကန်တိုးချဲ့ခြင်းလုပ်ငန်းနှင့် အရှည် ၆၁၀ ပေ၊ အမြင့် ၅ ပေရှိသော ခြံစည်းရိုး ကာရံခြင်းလုပ်ငန်းများကို ပြည်ထောင်စုရန်ပုံငွေ ကျပ် ၂၄ ဒဿမ ၄၁၈ သန်းအသုံးပြပြီး မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ အင်ဂျင်နီယာဝန်ထမ်းများမှတာဝန်ယူ၍ ဧပြီလ ၂၃ ရက်နေ့မှ စတင်အကောင်အထည်ဖော်ဆောင် ရွက်ခဲ့ရာ ယခုအခါ ၈၀ ရာခိုင်နှုန်းခန့်ဆောင်ရွက် ပြီးစီးနေပြီဖြစ်ကြောင်း၊ အဆိုပါလုပ်ငန်းများအား လုံးရာနှုန်းပြည့်ဆောင်ရွက်ပြီးစီးပါက မှုံကတုံး ကျေးရွာရှိ ကျေးရွာနေပြည်သူများ၊ ကျွဲ၊ နွား၊ တိရစ္ဆာန်များပါ သန့်ရှင်းသောသောက်သုံးရေကို ဖူလုံစွာ ရရှိမည်ဖြစ်ကြောင်း သိရသည်။

ချိုလေး