ပြည်မြို့နယ် မုဌောကျေးရွာ၌ မြစိမ်းရောင်ကျေး ရွာစီမံကိန်းလုပ်ငန်းများပြီးစီးမှုစစ်ဆေး

=====================================

ပြည်၊ မေ-၂၉

 

    သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်ကျေး လက်ဒေသဖွံ့ဖြိုးတိုးတက်ရေးဦးစီးဌာနမှ မုဌော ကျေးရွာ၌ မြစိမ်းရောင်ကျေးရွာစီမံကိန်းအတိုးရရှိ ငွေမှ သုံးစွဲခွင့်ရှိသောငွေဖြင့် ကျေးရွာတွင်းလမ်း ‌မြေနီကျောက်စရစ်ခင်းခြင်းနှင့်ရေသန့်စင်စက်တပ်ဆင်ခြင်းလုပ်ငန်းများဆောင်ရွက်ပြီးစီးနေမှုအခြေအနေများကို တာဝန်ရှိသူများမှ ယနေ့နံနက်ပိုင်းအ ချိန်က ကွင်းဆင်းစစ်ဆေးကြကြောင်းသိရသည်။

     ထိုသို့ကွင်းဆင်းစစ်ဆေးရာတွင် ပြည်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဦးစီးအရာရှိ ဒေါ်နုဟန်နီလွင်နှင့် ဝန်ထမ်းများမှ ကျေးရွာကော်မတီဝင်များနှင့်အတူ မုဌောကျေးရွာ ၌ ကျေးရွာတွင်းလမ်းမြေနီကျောက်စရစ်ခင်းခြင်း လုပ်ငန်းနှင့် ရေသန့်စင်စက်တပ်ဆင်ခြင်းလုပ်ငန်း ဆောင်ရွက်ပြီးစီးနေမှုအခြေအနေများကိုကြည့်ရှုစစ်ဆေးကြပြီးနောက် ဦးစီးအရာရှိက ကျေးရွာတာ ဝန်ရှိသူများ၊ ကျေးရွာတွင်းလမ်းဖြစ်မြောက်ရေး ကော်မတီဝင်များကို ဆောင်ရွက်ပြီးလုပ်ငန်းများ အကျိုးရှိစွာအသုံးပြုကြရန်နှင့် ရေရှည်အသုံးပြု နိုင်ရေးသက်ဆိုင်သူအားလုံးက ဝိုင်းဝန်းထိန်းသိမ်း ပေးကြရန် လမ်းညွှန်မှာကြားခဲ့ကြောင်းသိရသည်။

      ပြည်မြို့နယ် မုဌောကျေးရွာ၌ အရှည် ၁၁၈၀ ပေ၊ အကျယ် ၁၂ ပေ၊ အမြင့် ၆ လက်မရှိသော မြေ နီကျောက်စရစ်ခင်းခြင်းလုပ်ငန်း၊ အချင်း တစ်ပေ အရှည် ၂၀ ပေရှိသော ရေပြွန်သုံးစင်းတပ်ဆင်ခြင်းနှင့် တစ်နာရီရေ သန့်ဂါလံ ၂၀၀ ကျော်ထွက်ရှိသည့် ရေသန့်စင်စက်တပ်ဆင်ခြင်းလုပ်ငန်းကို မြစိမ်းရောင်ကျေးရွာစီမံကိန်းအတိုးရရှိငွေမှသုံးစွဲခွင့်ရှိသောငွေကျပ် ၆ ဒဿမ ၅၅ သန်းအသုံးပြုပြီး မြို့နယ်ကျေးလက်ဒေသဖွံ့ဖြိုးတိုးတက်ရေးဦး စီးဌာနမှ အင်ဂျင်နီယာဝန်ထမ်းများ၏ နည်းပညာ ကူညီမှုဖြင့် ကျေးရွာသူ ကျေးရွာသားများကိုယ် တိုင် ၂၀၂၆ ခုနှစ်မေလ ၅ ရက်နေ့မှ စတင်အ ကောင်အထည်ဖော်ဆောင်ရွက်ခဲ့ရာ ယခုအခါ ရာ နှုန်းပြည့်ဆောင်ရွက်ပြီးစီးနေပြီဖြစ်ကြောင်း၊ အဆိုပါလုပ်ငန်းများအားလုံးရာနှုန်းပြည့်ဆောင် ရွက်ပြီးစီးမှုကြောင့် မုဌောကျေးရွာသူကျေးရွာသားများမှာ သွားလာရေးလွယ်ကူနေပြီး သန့်ရှင်း သော သောက်ရေများကိုဖူလုံစွာရရှိနေပြီဖြစ် ကြောင်း ပြည်မြို့နယ်ကျေးလက်ဒေသဖွံ့ဖြိုးတိုး တက်ရေးဦးစီးဌာနမှ ဦးစီးအရာရှိ ဒေါ်နုဟန်နီလွင် ထံမှ သိရသည်။