**********************************************

ရွှေတောင် မေ ၃၀

         

     သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ဝါးလည်ခေတ်မီစံပြကျေးရွာရှိ ကျေးလက်ကုန်ထုတ်လမ်းဘေးဝဲယာ၌ ၂၀၂၆ ခုနှစ် မိုးရာသီ သီးပင်စားပင်များ စိုက်ပျိုးခြင်းကို ယနေ့ နံနက်ပိုင်းက ဆောင်ရွက်ခဲ့သည်။

      ရှေးဦးစွာ မြို့နယ်စီမံခန့်ခွဲရေးနှင့် အုပ်ချုပ်ရေး ကော်မတီ ဥက္ကဌ ဦးဟံဝင်းအောင်က အမှာစကား ပြောကြားကာ ရွှေတောင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးအောင်ခိုင်ဇော်က မိုးရာသီတွင် သစ်ပင်စိုက်ပျိုးပေးရခြင်း၏ ရည်ရွယ်ချက်၊ အကျိုးကျေးဇူးများ၊ သဘာဝပတ်ဝန်းကျင်နှင့် ဂေဟစနစ်ထိန်းသိမ်းနိုင်စေရန်၊ စိမ်းလန်းစိုပြေသည့် ပတ်ဝန်းကျင်ကောင်းနှင့် ကောင်းမွန်သည့် ရာသီဥတုကို လက်ဆင့်ကမ်းနိုင်စေရန်၊ အရိပ်အာဝါသများ ရရှိစေရန်၊ သီးပင်စားပင်များကို အလွယ်တကူ စားသုံးနိုင်ရန်အတွက် နှစ်စဉ်မိုးရာသီတွင် သစ်ပင်စိုက်ပျိုးရခြင်းဖြစ်ကြာင်း ရှင်းလင်း ပြောကြားသည်။

      ထို့နောက် မြို့နယ်စီမံခန့်ခွဲရေးနှင့် အုပ်ချုပ်ရေး ကော်မတီ ဥက္ကဌ ဦးဟံဝင်းအောင်၊ ရွှေတောင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးအောင်ခိုင်ဇော်နှင့် ဝန်ထမ်းများ၊ ကျေးရွာသူ၊ ကျေးရွာသားများက တမာပင်၊ ရေတမာပင်၊ သခွတ်ပင်၊ခရေပင်စ‌သော သီးပင်စားပင် စုစုပေါင်း ၁၀၀ ပင် စိုက်ပျိုးပေးခဲ့‌ကြောင်း သိရသည်။

    

ဆက်လူ