မင်းလှမြို့နယ် ဥယျာဉ်ကျေးရွာ၌ VDP စီမံကိန်း လုပ်ငန်းများဆောင်ရွက်ပြီးစီးမှုစစ်ဆေး

=========================================================

မင်းလှ၊ ဇွန်-၂

 

     သမဝါယမနှင့် ကျေးလက်ဖွံ့ဖြိုးရေးဝန်ကြီးဌာ န၊ မကွေးတိုင်းဒေသကြီး၊ သရက်ခရိုင်၊ မင်းလှမြို့ နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၆-၂၀၂၇ ဘဏ္ဍာရေးနှစ်တွင် ရက် ၁၀၀ စီမံချက်ဖြင့် ဥယျာဉ်ကျေးရွာ၌ ကျေးရွာဖွံ့ ဖြိုးတိုး တက်ရေးလုပ်ငန်းစီမံကိန်း(VDP)ရန်ပုံငွေနှင့်ကျေး ရွာပြည်သူလူထုထည့်ဝင်ငွေများဖြင့်ကျေးရွာတွင်း လမ်းကွန်ကရစ်ခင်းခြင်းလုပ်ငန်းဆောင်ရွက်ပြီးစီး မှုအခြေအနေများကို တာဝန်ရှိသူများမှ ယနေ့နံ နက်ပိုင်းက ကွင်းဆင်းစစ်ဆေးကြကြောင်းသိရသည်။

     ထိုသို့ကွင်းဆင်းစစ်ဆေးရာတွင် မင်းလှမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဒေါ်လှမျိုးသူနှင့် တာဝန်ခံအင်ဂျင် နီယာဝန်ထမ်းများမှ ကျေးရွာကော်မတီဝင်များနှင့်အတူ ဥယျာဉ်ကျေးရွာ၌ ကျေးရွာတွင်းလမ်းကွန် ကရစ်ခင်းခြင်းလုပ်ငန်းဆောင်ရွက်ပြီးစီးမှုအခြေ အနေများကို ကြည့်ရှ့စစ်‌ဆေးကြပြီးနောက် မြို့ နယ်ဦးစီးမှူးက ကျေးရွာတာဝန်ရှိသူများ၊ ကျေးရွာကော်မတီဝင်များကို ဆောင်ရွက်ပြီး ကျေးရွာကွန် ကရစ်လမ်းအားအကျိုးရှိစွာအသုံးပြုကြရန်နှင့် ရေရှည်အသုံးပြုနိုင်‌ရေးသက်ဆိုင်သူအားလုံးက ထိန်းသိမ်းကြရန်ဆွေးနွေးမှာကြားခဲ့ကြောင်း သိရသည်။

    မင်းလှမြို့နယ် ဥယျာဉ်ကျေးရွာ၌ အရှည် ၅၂၀  ပေ၊ အကျယ် ၁၂ ပေ၊ အမြင့် ၆ လက်မရှိသော ကျေးရွာတွင်းလမ်းကွန်ကရစ်ခင်းခြင်းလုပ်ငန်းကို ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း (VDP)ရန်ပုံငွေကျပ် ၁၅ သန်း၊ ကျေးရွာပြည်သူလူ ထုထည့်ဝင်ငွေကျပ် ၁၀ ဒဿမ ၂၀ သန်း၊ စုစု ပေါင်းငွေကျပ် ၂၅ ဒဿမ ၂၀ သန်းဖြင့် မြို့နယ်ကျေးလက်ဒေသဖွံ့ ဖြိုးတိုးတက်ရေးဦးစီးဌာနမှ အင်ဂျင်နီယာဝန်ထမ်းများ၏ နည်းပညာကူညီမှုဖြင့် ကျေးရွာသူကျေးရွာသားများကိုယ်တိုင် မေလ ၁၅ ရက်နေ့မှ စတင်အကောင်အထည်ဖော်ဆောင် ရွက်ခဲ့ရာ ယခုအခါ ရာနှုန်း‌ပြည့်ဆောင်ရွက်ပြီးစီးနေပြီဖြစ်ကြောင်း၊ အဆိုပါလုပ်ငန်းများအားလုံးရာနှုန်းပြည့်ဆောင်ရွက်ပြီးစီးမှုကြောင့် ဉယျာဉ်ကျေးရွာရှိ အိမ်ခြေ ၂၂၅ အိမ်မှ လူဦးရေ ၁၀၁၀ ဦး တို့၏ သွားလာရေးလွယ်ကူ‌နေပြီးပြီး ယခင်ကထက်လူမှုစီးပွားဘဝများပိုမိုဖွံ့ဖြိုးတိုးတက်မည်ဖြစ်ကြောင်း မင်းလှမြို့နယ်ကျေးလက်ဒေသဖွံ့ ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဒေါ်လှမျိုးသူထံမှ သိရသည်။

ချိုလေး