04 Jun,2026

အသက်မွေးဝမ်းကျောင်း အထောက်အကူပြု သဘာဝ မြေဩဇာနှင့် EM ဖျော်ရည် ပြုလုပ်နည်း သင်တန်းဖွင့်လှစ်

မင်းဘူး ဇွန်  ၃

           သမဝါယမနှင့် ကျေးလက်‌ဖွံ့ဖြိုးရေးဝန်ကြီးဌာန  မကွေးတိုင်းဒေသကြီး မင်းဘူးခရိုင် မင်းဘူးမြို့နယ်ကျေးလက်ဒေသဖွံ့ဖြိုးတိုးတက်ရေး ဦးစီးဌာနက  ကျေးလက်နေပြည်သူများ အလုပ်အကိုင်အခွင့်အလမ်း များရရှိစေရန်၊ဝင်ငွေတိုး လုပ်ငန်းများ ပိုမိုတွင်ကျယ်စွာ လုပ်ကိုင်လာနိုင်စေရန် နှင့် ကျွမ်းကျင်လုပ်သားများပေါ်ပေါက်စေရန် ရည်ရွယ်၍  ရက် ၁၀၀ စီမံချက်ဖြင့် အသက်မွေး ဝမ်းကျောင်းအထောက် အကူပြု သဘာဝ မြေဩဇာနှင့် EM ဖျော်ရည် ပြုလုပ်နည်း ဖွင့်ပွဲ အခမ်းအနားကို ဇွန်လ ၂ ရက်နေ့ နံနက်ပိုင်း က အလံပါယ် ကျေးရွာ ဘက်စုံသုံးခန်းမ၌ ကျင်းပပြုလုပ်ခဲ့ကြောင်းသိရသည်။

          ရှေးဦးစွာ  မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးအောင်မြင် က သင်တန်းဖွင့်အမှာစကား ပြောကြားခဲ့‌ ကြောင်း သိရသည်။


   ဆက်လက်၍ မင်းဘူး ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဦးခင်မောင်ကျော်  က   သင်တန်းဖွင့်လှစ်ရခြင်း ၏ ရည်ရွယ်ချက်များနှင့် အကျိုးကျေးဇူးများကို ရှင်းလင်းပြောကြားသည်။
         ထို့နောက် သင်တန်းနည်းပြဆရာများက သင်တန်းတွင် ပို့ချမည့် ဘာသာရပ်များနှင့်သင်တန်းတက်ရောက်ရာတွင် လိုက်နာရမည့် စည်းကမ်းသတ်မှတ်ချက်များကို ရှင်းလင်းပြောကြားပြီး တက်ရောက်လာကြသော တာဝန်ရှိသူများက သင်တန်းသားများထံ သင်ထောက်ကူပစ္စည်းများ အသီးသီးပေးအပ်ကြသည်။

အဆိုပါ သင်တန်းသို့ သင်တန်းသား  ၂၀ ဦး တက်ရောက်ကြပြီး  သဘာဝ မြေဩဇာနှင့် EM ဖျော်ရည် ပြုလုပ်နည်းများကို ဇွန် လ ၂ ရက်ကနေ ဇွန် လ ၄  ရက်ထိ  ၃ ရက်ကြာ စာတွေ့လက်တွေ့ဖြင့် အခမဲ့ သင်ကြားပို့ချလျက်ရှိကြောင်း မင်းဘူးမြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာန မြို့နယ်ဦးစီးမှူး ဦးကျော်မင်းထွန်း ထံမှ သိရသည်။

    ဇင်မာ