05 Jun,2026

သန်လျင်မြို့နယ် ဖားကူးအရှေ့ကျေးရွာကုန်ထုတ်လမ်းဘေးဝဲယာ၌ မိုးရာသီ အရိပ်ရပင်များ စုပေါင်း စိုက်ပျိုး

‎************************************************************************

‎သန်လျင်        ဇွန်       ၅

‎‎သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးဌာနက သဘာဝပတ်ဝန်းကျင်စိမ်းလန်းစိုပြည်စေရန်နှင့် ရာသီ ဥတုအပူဒဏ်ကာကွယ်နိုင်ရန် ရည်ရွယ်၍ ဌာနဆိုင်ရာ တာဝန်ရှိသူများနှင့် ကျေးရွာပြည်သူများ ပူးပေါင်းကာ သန်လျင်မြို့နယ် ဖားကူးအရှေ့ကျေးရွာကုန်ထုတ်လမ်း၏ လမ်းဘေးဝဲယာ၌ ယနေ့နံနက် ပိုင်းက အရိပ်ရနှစ်ရှည်ပင်များ စု‌ပေါင်း စိုက်ပျိုးခဲ့ကြသည်။

‎‎သစ်ပင်စိုက်ပျိုးရာတွင် သစ်တောဦးစီးဌာနမှ ပျိုးပင်များ ကူညီ‌ထောက်ပံ့မှုဖြင့် လွှတ်တော် ကိုယ်စားလှယ်များ၊ သန်လျင်ခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်အေးအေးကြူ၊ သန်လျင်မြို့နယ်ဦးစီးမှူး ဒေါ်မြတ်မြတ်မော်နှင့် ဝန်ထမ်းများ၊ ဌာနဆိုင်ရာ တာဝန်ရှိသူများ၊ ကျေးရွာပြည်သူများနှင့် ကုန်ထုတ်လမ်းကော်မတီဝင်များက မန်ဂျန်ရှား အပင် ၅၀၀ ကို ဖားကူးအရှေ့ကျေးရွာကုန်ထုတ်လမ်း၏ လမ်းဘေးဝဲယာ၌ စုပေါင်းစိုက်ပျိုးခဲ့ကြောင်း သိရသည်။

‎‎ဖားကူးအရှေ့‌ကျေးရွာကုန်ထုတ်လမ်းအရှည် တစ်မိုင်အား ၂၀၂၅-၂၀၂၆ ဘဏ္ဍာရေးနှစ်က တိုင်းဒေသကြီး ရန်ပုံငွေကျပ် ၂၀၀ ဒသမ ၅၆၇ သန်းဖြင့် ဖောက်လုပ်ခဲ့ခြင်းဖြစ်ကြောင်း၊ အဆိုပါကုန်ထုတ်လမ်း ရေရှည်တည်တံ့စေရန်၊ သဘာဝပတ်ဝန်းကျင် စိမ်းလန်းစိုပြေစေရန်နှင့် ရာသီဥတုအပူဒဏ်ကာကွယ် နိုင်ရန်အတွက် ကုန်ထုတ်လမ်းဘေးတလျှောက် အရိပ်ရနှစ်ရှည်ပင်များ စုပေါင်းစိုက်ပျိုးရခြင်း ဖြစ်ကြောင်း သန်လျင်မြို့နယ် ကျေးလက်ဒေသဖွံ့ဖြိုးတက်ရေးဦးစီးဌာနမှ သိရသည်။