10 Jun,2026

သင်္ဃန်းကျွန်း ဇွန် ၁၀

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ် သမဝါယမနှင့်ကျေးလက်ဖွံဖြိုးရေးဝန်ကြီးဌာန သမဝါယမဦးစီးဌာနနှင့်မြို့ နယ်သမဝါယမအသင်းစုလီမိတက်တို့ ပူးပေါင်းဆောင်ရွက်သည့် မြို့နယ်သမဝါယမအသင်း အမှုဆောင်များနှင့် အသင်းဝန်ထမ်းများ အခြေခံစာရင်းရေး စာရင်းကိုင်သင်တန်းဖွင့်ပွဲကို သင်္ဃန်းကျွန်းမြို့နယ် ကမာကြည်လမ်း သုဝဏ္ဏမြို့ဦး ဆုတောင်းပြည့်စေတီ ဓမ္မာရုံ၌ ကျင်းပပြုလုပ်ခဲ့သည်။

ဦးစွာ ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးနိုင်ဝင်းက အဖွင့်အမှာ စကားပြောကြားပြီး သင်္ဃန်းကျွန်းမြို့နယ် စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးလှမျိုး၊ ရန်ကုန်တိုင်းဒေသကြီး သမဝါယမဦးစီးဌာနမှ လက်ထောက်ညွှန်ကြားရေးမှူး ဒေါ်အေးအေးနိုင်၊မြို့နယ်သမဝါယမဦးစီးဌာန ဦးစီးအရာရှိ ဦးအောင်စိုး၊ မြို့နယ်သမဝါယမ အသင်းစု ဒုတိယဥက္ကဋ္ဌ ဦးကျော်သောင်းတို့မှ ဆက်လက်ပြောကြားခဲ့ကြသည်။ ထို့နောက် တက်ရောက်လာကြသူများက စုပေါင်းမှတ်တမ်းတင်ဓာတ်ပုံ ရိုက်ကူးကာ အခမ်းအနား ပြီးမြောက်ခဲ့သည်။

သင်တန်းအား ၂၀၂၆ ခုနှစ် ဇွန်လ ၈ ရက်နေ့မှ ဇွန်လ ၁၂ ရက်နေ့ထိ ၅ ရက်ကြာ သင်ကြားပို့ချသွားမည်ဖြစ်ပြီး သင်တန်းသား၊ သင်တန်းသူ ၃၅ ဦး တက်ရောက်သင်ကြား လျက်ရှိကြောင်း သိရသည်။

ဇော်မိုး (သင်္ဃန်းကျွန်း)

ရန်ကုန်တိုင်းဒေသကြီး