သံဖြူဇရပ်မြို့နယ် ဝဲရက်ရွာသစ်ကျေးရွာ၌ မြစိမ်း ရောင်ကျေးရွာစီမံကိန်းမှချေးငွေများထုတ်‌ချေးပေး

=====================================

သံဖြူဇရပ်၊ ဇွန်-၁၁

 

   သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ မွန်ပြည်နယ်၊ မော်လမြိုင်ခရိုင်၊ သံဖြူဇရပ်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဝဲရက်ရွာသစ်ကျေးရွာ၌ နဝမအကြိမ်‌မြောက်မြစိမ်း ရောင်‌ကျေးရွာစီမံကိန်းအရင်းမပျောက်လည်ပတ်ရန်ပုံငွေများပြန်လည်ထုတ်ချေးပေးခြင်းကို ယနေ့နံနက်ပိုင်းအချိန်က အဆိုပါကျေးရွာ၌ ဆောင်ရွက်ကြောင်းသိရသည်။

    ရှေးဦးစွာ သံဖြူဇရပ်မြို့နယ်ကျေးလက်ဒေသဖွံ့ ဖြိုးတိုးတက်ရေးဦးစီးဌာနက မြို့နယ်ဦးစီးမှူး ဒေါ်ဆုသန္တာလင်းမှ မြစိမ်းရောင်ကျေးရွာစီမံကိန်းဖြင့်ကျေးလက်နေပြည်သူများဆင်းရဲမှုလျော့ကျစေရန်နှင့် တစ်နိုင်တစ်ပိုင်စိုက်ပျိုးရေး၊မွေးမြူရေးနှင့်တခြားစီးပွားရေးလုပ်ငန်းများဆောင်ရွက်နိုင်စေရန်ရည်ရွယ်၍ ထုတ်ချေးပေးခြင်းဖြစ်ကြောင်း၊ စီမံကိန်းဆောင်ရွက်ခြင်းဖြင့်ရရှိလာမည့်အကျိုး ကျေးဇူးများ၊ စီမံကိန်းလုပ်ငန်းစဉ်အကြောင်းအရာများ၊ ကျေးလက်‌ဒေသဖွံ့ဖြိုးတိုးတက်‌ရေး ဥပဒေ၊ နည်းဥပဒေအကြောင်းများကိုရှင်းလင်းပြောကြား သည်။

      ဆက်လက်၍ စီမံကိန်းတာဝန်ခံဝန်ထမ်းက စီမံ ကိန်းစက်ဝန်းကာလနှင့် အတိုးနှုန်းသတ်မှတ်ချက်များ၊ ချေးငွေထုတ်ချေးပေးရာတွင်လိုက်နာရမည့် စည်းကမ်းသတ်မှတ်ချက်များကို ရှင်းလင်းပြောကြားပြီးနောက် မြို့နယ်ဦးစီးမှူးက မြစိမ်းရောင်  ကျေးရွာစီမံကိန်းလုပ်ငန်းအဖွဲ့ဝင်များထံသို့ ရန်ပုံ‌ ငွေကျပ် ၄၉ ဒဿမ ၈၀ သန်းကိုလွှဲပြောင်းပေး အပ်သည်။

     ထို့နောက် မြို့နယ်ဦးစီးမှူးနှင့် စီမံကိန်းတာဝန်ခံဝန်ထမ်းများ၏ကြီးကြပ်မှုဖြင့် မြစိမ်းရောင်‌ကျေး ရွာစီမံကိန်းလုပ်ငန်းအဖွဲ့ဝင်များက ဝဲရက်ရွာသစ်ကျေးရွာရှိ စိုက်ပျိုးရေးလုပ်ငန်းဆောင်ရွက်သူ ၂၈ ဦးကိုချေးငွေကျပ် ၂၈ ဒဿမ ၃၀ သန်း၊ မွေးမြူ ရေးလုပ်ငန်းလုပ်ငန်းဆောင်ရွက်သူ နှစ်ဦးကိုချေး ငွေကျပ် ၃ ဒဿမ ၅၀ သန်း၊ ကုန်ထုတ်လုပ်ငန်းဆောင်ရွက်သူ တစ်ဦးကိုချေးငွေကျပ် ၂ ဒဿမ ၅၀ သန်း၊  အရောင်းအဝယ်လုပ်ငန်းဆောင်ရွက်သူ ၉ ဦးကို‌ချေးငွေကျပ် ၁၅ သန်း၊ အသက်မွေးဝမ်း ကျောင်းလုပ်ငန်းဆောင်ရွက်သူ တစ်ဦးကိုချေးငွေ ကျပ် သုည ဒဿမ ၅၀ သန်း၊ စုစုပေါင်းအသင်း သားအသင်းသူ ၄၁ ဦးထံသို့ မြစိမ်းရောင်ကျေးရွာစီမံကိန်းအရင်းမပျောက်လည်ပတ်ရန်ပုံငွေကျပ် ၄၉ ဒဿမ ၈၀ သန်းကို အတိုးနှုန်းသက်သာစွာဖြင့်ထုတ်ချေးပေးခဲ့ကြောင်း သံဖြူဇရပ်မြို့နယ်ကျေးလက်ဒေသဖွံ့ ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဒေါ်ဆုသန္တာလင်းထံမှ သိရသည်။

ကိုညို(ကျေးလက်)