18 Jun,2026

ဝါးခယ်မ ဇွန် ၁၈

ဧရာဝတီတိုင်းဒေသကြီး၊ မြောင်းမြခရိုင်၊ ဝါးခယ်မမြို့နယ်တွင် သမဝါယမနှင့်ကျေးလက်ဖွံ့ဖြိုးရေး ဝန်ကြီးဌာန၊ မြို့နယ်သမဝါယမဦးစီးဌာနက နိုင်ငံတော်၏ရက် (၁၀၀) စီမံချက်ဖြင့် ဝါးခယ်မမြို့နယ် အတွင်းရှိ မိုးစပါးစိုက်ပျိုးမည့် အသင်းသားတောင်သူများအား ဓာတ်မြေဩဇာပေးအပ်ပွဲကို မြို့နယ်စိုက်ပျိုးရေးဦးစီးဌာနခန်းမ၌ ကျင်းပခဲ့သည်။

အဆိုပါပေးအပ်ပွဲတွင် မြို့နယ်စိုက်ပျိုးရေးဦးစီးမှူးမှ အမှာစကားပြောကြားခဲ့ပြီး မြို့နယ် သမဝါယမဦးစီးဌာနမှ ဦးစီးအရာရှိဒေါ်တူးတူးလွင်က သွင်းအားစုပေးအပ်ရခြင်းနှင့် ပတ်သက်၍ ရှင်းလင်းပြောကြားခဲ့သည်။

ထို့နောက်တာဝန်ရှိသူများက အသင်းသားတောင်သူ (၆၀) ဦး၏ စိုက်ဧက (၁၅၄)ဧက အတွက် ငွေကျပ် (၃၃၀) သိန်း တန်ဖိုးရှိ ပုလဲဓာတ်မြေဩဇာ (၃၀၀) အိတ်အား ပေးအပ်ခဲ့ကြောင်း သိရသည်။

မြို့နယ်(ပြန်/ဆက်)

ဧရာဝတီတိုင်းဒေသကြီး