22 Jun,2026

နေပြည်တော် ဇွန်  ၂၂

            သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်) ဌာနခွဲ/အဖွဲ့နှင့် ပြည်ထောင်စုနယ်မြေ၊ နေပြည်တော်၊ ခရိုင်/မြို့နယ်များ စုပေါင်း၍  ၂၀၂၆ ခုနှစ် မိုးရာသီသစ်ပင်စိုက်ပျိုးပွဲအား ၂၂-၆-၂၀၂၆ ရက်နေ့ နံနက်ပိုင်းတွင် ပြည်ထောင်စုနယ်မြေ၊ နေပြည်တော်၊ ဥတ္တရသီရိခရိုင်၊ ဇေယျာသီရိမြို့နယ်၊ ရွှေပေး-ရှားစေးဖိုကျေးရွာချင်းဆက်လမ်းပေါ်၌ ကျင်းပပြုလုပ်ကျင်းပပြုလုပ်ရာ အခမ်းအနားသို့ ကျေးလက်လမ်းဖွံ့ဖြိုးရေးဦးစီးဌာန၊ ဒုတိယညွှန်ကြားရေးမှူးချုပ်(စီမံရေး) ဦးရဲခေါင်ထွန်းနှင့် အရာထမ်း/အမှုထမ်းများမှ စုပေါင်းသစ်ပင်စိုက်ပျိုးကြသည်။

             အဆိုပါ သစ်ပင်စိုက်ပျိုးပွဲတွင် သစ်ဖြူ(စစ်)ပင် (၁၀၀) ပင်၊ ကုက္ကိုပင် (၆၀) ပင်၊ ကျွန်းပင် (၁၄) ပင်၊ စိန်ပန်းပင် (၇၅) ပင်၊ ပိတောက်ပင် (၈၂)ပင်၊ မယ်ဇလီပင် (၇၄)ပင် ကံကော်ပင်(၃) ပင် နှင့် ခရေပင် (၅) ပင်၊ စုစုပေါင်းပျိုးပင် (၄၁၃)ပင်ကို စိုက်ပျိုးခဲ့ကြောင်းသိရသည်။