26 Jun,2026

ဒိုက်ဦး ဇွန် ၂၆

ပဲခူးတိုင်းဒေသကြီး၊ ညောင်လေးပင်ခရိုင်၊ ဒိုက်ဦးမြို့နယ်သမဝါယမဦးစီးဌာနတွင် ၂၀၂၆-၂၀၂၇ ဘဏ္ဍာနှစ် သမဝါယမကဏ္ဍမှ ဆောင်ရွက်သော စီမံကိန်းသီးနှံ မိုးစပါးစိုက်ပျိုးသည့် အသင်းသားတောင်သူများသို့ မျိုး၊ သွင်းအားစုမြေသြဇာ ပေးအပ်ပွဲ အခမ်းအနားကို မြို့နယ် သမဝါယမဦးစီးဌာနရုံး၌ ကျင်းပခဲ့သည်။

အခမ်းအနားတွင် မြို့နယ်အုပ်ချုပ်ရေးမှူးကိုယ်စား ဦးအောင်မျိုးလွင်မှ အမှာစကား ပြောကြားပြီး သမဝါယမဦးစီးဌာန ဦးစီးအရာရှိမှ ၂၀၂၆-၂၀၂၇ ဘဏ္ဍာနှစ်တွင် အသင်း(၁၀)သင်း၊ အသင်းသား(၂၁၅)ဦးမှ မိုးစပါးစိုက်ဧက ၂၅၀၀ စိုက်ပျိုးဆောင်ရွက်သွားမည်ဖြစ်ပြီး စနစ်ကျသော စိုက်ပျိုးရေးဖြစ်စေရေးအတွက် မျိုးကောင်းမျိုးသန့်များ ရရှိပြီး အထွက်နှုန်း ကောင်းမွန်စေရန် မျိုး နှင့်သွင်းအားစုများ ပေးအပ်ရခြင်းဖြစ်ကြောင်း ရှင်းလင်းပြောကြားသည်။

အဆိုပါအခမ်းအနားသို့ မြို့နယ်စိုက်ပျိုးရေး၊ မွေးမြူရေးကြီးကြပ်မှု ကော်မတီအဖွဲ့ဝင်များ တက်ရောက်၍ အသင်းသားတောင်သူများအား မျိုးနှင့် သွင်းအားစုများ ပေးအပ်ခဲ့ကြောင်း သိရသည်။