26 Jun,2026

ကျောက်တံခါး  ဇွန် ၂၆

(၁၀၄)နှစ်မြောက် အပြည်ပြည်ဆိုင်ရာသမဝါယမနေ့ကို ကြိုဆိုဂုဏ်ပြုသောအားဖြင့် ပဲခူးတိုင်းဒေသကြီး၊ ကျောက်တံခါးမြို့နယ်တွင် သမဝါယမကဏ္ဍမှ ၂၀၂၆-၂၀၂၇ ဘဏ္ဍာနှစ်အတွက် မိုးစပါးစီမံကိန်းသီးနှံ စိုက်ပျိုးသည့် အသင်းသားတောင်သူများသို့ မျိုးနှင့် သွင်းအားစုမြေဩဇာ ပေးအပ်ပွဲ အခမ်းအနားကို မင်းတန်း စိုက်ပျိုးရေးနှင့်အထွေထွေသမဝါယမအသင်း၌ ကျင်းပခဲ့ရာ အခမ်းအနားတွင် မြို့နယ်စိုက်ပျိုးရေးဦးစီးဌာနမှ ဒုတိယဦးစီးမှူး ဦးအောင်ဝင်းက အမှာစကား ပြောကြားပြီး သမဝါယမဦးစီးဌာန ဦးစီးအရာရှိမှ ၂၀၂၆-၂၀၂၇ ဘဏ္ဍာနှစ်တွင် အသင်း(၆)သင်း၊ အသင်းသား(၂၀၀)ဦး၊ မိုးစပါးစိုက်ဧက ၁၅၀၀ စိုက်ပျိုးဆောင်ရွက်သွားမည်ဖြစ်ပြီး စနစ်ကျသော စိုက်ပျိုးရေးဖြစ်စေရေးအတွက် မျိုးကောင်းမျိုးသန့်များရရှိပြီး အထွက်နှုန်းကောင်းမွန်စေရန် မျိုးနှင့် သွင်းအားစုများ ပေးအပ်ရခြင်းဖြစ်ကြောင်း ရှင်းလင်းပြောကြားသည်။

အဆိုပါအခမ်းအနားသို့ မြို့နယ်အဆင့် စိုက်ပျိုးမွေးမြူရေးလုပ်ငန်း ကြီးကြပ်မှုကော်မတီ၊ သမဝါယမဦးစီးအရာရှိနှင့် မြို့နယ်သမဝါယမအသင်းစုဥက္ကဌတို့က မိုးစပါးစိုက်ဧက ၁၅၀၀ အတွက် မျိုးနှင့်သွင်းအားစုများကို အသင်းသားတောင်သူများအား ပေးအပ်ခဲ့ကြောင်း သိရသည်။