29 Jun,2026

ပြင်ဦးလွင်၊ ဇွန် ၂၉

          သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ပြင်ဦးလွင်ခရိုင်အသေးစားစက်မှုလက်မှုလုပ် ငန်းဦးစီးဌာန အနေဖြင့် မိသားစုဝင်ငွေတိုးပွားကာ တစ်နိုင်တစ်ပိုင်လုပ်ငန်းများမှ တစ်ဆင့် MSME လုပ်ငန်းများအထိ ချဲ့ထွင်နိုင်ပြီး နိုင်ငံ့စီးပွား ဖွံ့ဖြိုးတိုးတက်ရေးအတွက် အထောက်အကူပြုစေရန် ရည်ရွယ်၍ ဖွင့်လှစ်ခဲ့သည့် လူသုံးကုန်ထုတ်လုပ်မှုနည်းပညာသင်တန်းဆင်းပွဲအခမ်းအနားကို ယနေ့ ညနေပိုင်းက ပြင်ဦးလွင်မြို့၌ ကျင်းပသည်။

          အခမ်းအနားသို့ ပြင်ဦးလွင်ခရိုင်အသေးစားစက်မှုလက်မှုလုပ်ငန်းဦးစီးဌာန ခရိုင်ဦးစီးမှူး၊ ခရိုင်အဆင့်ဌာနဆိုင်ရာများ၊ ခရိုင်အမျိုးသမီးရေးရာအဖွဲ့ အဖွဲ့ဝင်များ၊ သင်တန်းနည်းပြများ၊ ရပ်မိ ရပ်ဖများနှင့် သင်တန်းသား/သူများ တက်ရောက်ကြသည်။

          ဦးစွာ ပြင်ဦးလွင်ခရိုင်အသေးစားစက်မှုလက်မှုလုပ်ငန်းဦးစီးဌာန ခရိုင်ဦးစီးမှူးက ဌာနမှ ဆောင်ရွက်လျက်ရှိသည့် လုပ်ငန်းများ၊ စီမံကိန်းများနှင့် သင်တန်းများဆိုင်ရာကိစ္စရပ်များအား ပြောကြားခဲ့ပြီး သင်တန်းသားများအား သင်တန်းဆင်းလက်မှတ်များပေးအပ်ခဲ့ကြောင်း သတင်းရရှိ သည်။

          ယခုဖွင့်လှစ်ခဲ့သော သင်တန်းတွင် လူသုံးကုန်ထုတ်လုပ်မှုအမျိုးမျိုးအား ကိုယ်ပိုင်လုပ်ငန်း ထူထောင်နိုင်သည်အထိ (၅)လကြာ စာတွေ့၊ လက်တွေ့  သင်ကြားပို့ချပေးခဲ့ကြောင်း သိရှိရပါသည်။