26 Jun,2026

ဝေါ ဇွန် ၂၆

ပဲခူးတိုင်းဒေသကြီး၊ ပဲခူးခရိုင်၊ ဝေါမြို့နယ်သမဝါယမဦးစီးဌာန၌ (၁၀၄)ကြိမ်မြောက် အပြည်ပြည်ဆိုင်ရာသမဝါယမနေ့ကို ဂုဏ်ပြုကြိုဆိုသောအားဖြင့် သမဝါယမကဏ္ဍမှ ဆောင်ရွက် သည့် မိုးစပါးစီမံကိန်း ဆောင်ရွက်သော အသင်းသားတောင်သူများသို့ မျိုးနှင့်သွင်းအားစုများ ပေးအပ်ပွဲအခမ်းအနားကို မြို့နယ်သမဝါယမဦးစီးဌာနရုံး၌ ကျင်းပခဲ့သည်။

အခမ်းအနားတွင် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ ဦးသက်လွင်က အမှာစကားပြောကြားပြီး သမဝါယမဦးစီးဌာန ဦးစီးအရာရှိက ၂၀၂၆-၂၀၂၇ ဘဏ္ဍာနှစ် မိုးစပါး စီမံကိန်းအား အသင်း(၅)သင်း၊ အသင်းသား(၁၃၅)ဦး၊ စိုက်ဧက ၂၁၃၄ ဧက စိုက်ပျိုးသွားမည်ဖြစ်ပြီး စနစ်ကျသော စိုက်ပျိုးရေး ဖြစ်စေရေးအတွက် မျိုးနှင့်သွင်းအားစုများ ပေးအပ်ရခြင်းနှင့်စပ်လျဉ်း၍ ရှင်းလင်းပြောကြားသည်။

အဆိုပါအခမ်းအနားသို့ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌနှင့် မြို့နယ် စိုက်ပျိုးကြီးကြပ်မှု ကော်မတီအဖွဲ့ဝင်များ တက်ရောက်ပြီး အသင်းသားတောင်သူ (၁၃၅)ဦးသို့ မျိုးနှင့်သွင်းအား စုမြေသြဇာများ ပေးအပ်ခဲ့ကြောင်း သိရသည်။