29 Jun,2026

ပြည် ဇွန် ၂၉

ပဲခူးတိုင်းဒေသကြီး၊ ပြည်မြို့နယ်၌ ၂၀၂၆ခုနှစ်၊ ဇူလိုင်လ ၄ ရက်နေ့တွင် ကျရောက်မည့် (၁၀၄) ကြိမ်မြောက် အပြည်ပြည်ဆိုင်ရာ သမဝါယမနေ့ကို ကြိုဆိုဂုဏ်ပြုသောအားဖြင့် ၂၀၂၆-၂၀၂၇ ဘဏ္ဍာရေးနှစ် သမဝါယမကဏ္ဍမှ သက်တန့်ရောင်စီမံကိန်းဖြင့် ဆောင်ရွက်သော မိုးစပါး၊ ဝါ စိုက်ပျိုးသည့် တောင်သူများသို့ မျိုးစေ့နှင့် သွင်းအားစုများ ပေးအပ်ပွဲ အခမ်းအနားကို ပြည်မြို့နယ်၊ ပေါင်းတလည်မြို့၊ စိုက်ပျိုးရေးစခန်းတွင် ကျင်းပပြုလုပ်သည်။

အခမ်းအနားတွင် ပြည်မြို့နယ် စိုက်ပျိုးရေးဦးစီးဌာနမှ မြို့နယ်ဦးစီးမှူး ဦးအောင်ဆန်းဝင်း က အဖွင့်အမှာစကားပြောကြားပြီး ပြည်မြို့နယ် သမဝါယမဦးစီးဌာနမှ ဦးစီးအရာရှိ ဦးသက်ပိုင်စိုးက သက်တန့်ရောင်စီမံကိန်းနှင့်ပတ်သက်၍ လုပ်ငန်းဆောင်ရွက်ချက်များကို ရှင်းလင်းပြောကြားသည်။

ဆက်လက်၍ တာဝန်ရှိသူများက မိုးစပါး၊ ဝါ စိုက်ပျိုးသော တောင်သူများအား ဝါမျိုးစေ့ RAK666 (BT)နှင့် သွင်းအားစုများကို လက်ဝယ်အရောက် အသီးသီးပေးအပ်ပြီး အခမ်းအနားကို အောင်မြင်စွာ ရုပ်သိမ်းခဲ့ကြောင်း သိရသည်။

အေးမိုး(ပြန်/ဆက် )

ပဲခူးတိုင်းဒေသကြီး