29 Jun,2026

လှိုင်းဘွဲ ဇွန် ၂၅

 သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ကရင်ပြည်နယ် လှိုင်းဘွဲမြို့နယ်သမဝါယမ ဦးစီးဌာနက သမဝါယမအသင်းများမှ အသင်းအမှုဆောင်နှင့် အသင်းဝန်ထမ်းများအား သမဝါယမသဘောတရားများကို သိရှိနားလည်၍ လုပ်ငန်းများကျွမ်းကျင်စွာ ဆောင်ရွက်နိုင်စေရန် ရည်ရွယ်၍ အသင်းအမှုဆောင်နှင့် အသင်းဝန်ထမ်းများအတွက် အခြေခံစာရင်းရေး၊ စာရင်းကိုင်သင်တန်း ဖွင့်ပွဲအခမ်းအနားကို လှိုင်းဘွဲမြို့နယ် သာယာကုန်းကျေးရွာရှိ ဓမ္မာရုံ၌ ကျင်းပ ပြုလုပ်ခဲ့သည်။ 

 ရှေးဦးစွာ လှိုင်းဘွဲမြို့နယ်သမဝါယမဦစီးဌာန ဦးစီးအရာရှိ ဦးအောင်ကျော်တူးက သင်တန်းဖွင့် အမှာစကားပြောကြားရာတွင် ယခုသင်တန်းကို အသင်း၏စာရင်းဇယားများကို စနစ်တကျ ရေးဆွဲ နိုင်ရေးနှင့် အသင်းလုပ်ငန်းများ ပိုမိုထိရောက်မှန်ကန်စွာ စီမံခန့်ခွဲနိုင်စေရန် ရည်ရွယ်ဖွင့်လှစ် ရခြင်းဖြစ်ကြောင်း၊ သင်တန်းသားများအနေဖြင့် သင်ခန်းစာများကို စိတ်ပါဝင်စားစွာ လေ့လာ မှတ်သားပြီး လက်တွေ့ လုပ်ငန်းခွင်တွင် အကျိုးရှိစွာ ပြန်လည်အသုံးပြုစေရန် လိုအပ်ကြောင်း တိုက်တွန်းပြောကြားခဲ့သည်။

 အဆိုပါသင်တန်းသို့ သာယာကုန်းကျေးရွာ၊ ကပ္ပလီကျေးရွာနှင့် ပတ်ဝန်းကျင်ကျေးရွာများရှိ သမဝါယမအသင်းများမှ အသင်းအမှုဆောင်များနှင့် အသင်းဝန်ထမ်းများ ၃၀ ဦးတက်ရောက်ကြပြီး သင်တန်းကာလမှာ ၂၃-၆-၂၀၂၆ ရက်နေ့မှ ၂၇-၆-၂၀၂၆၀ ရက်နေ့အထိ ၅ ရက်ကြာ စာတွေ့ လက်တွေ့ သင်ကြားပို့ချသွားမည်ဖြစ်ကြောင်း သိရသည်။